Lourdes Arizpe Schlosser
Lourdes Arizpe Schlosser iku ahli Antropologi wanita saka Mèksiko City, Mèksiko[1][2]. Pandhidhikan Arizpe Schlosser saka Escuela Nacional de Antropologia e Historia (Universitas Nasional Méksiko) UNAM ing taun 1970 lan olèh gelar Ph.D. saka London School of Economics taun 1975[2]. Schlosser wis tau nglakoni panalitèn lapangan ing Sierra de Puebla, Mazahuas, lacandonia, Chiapas (Mèksiko), Punjab, Tamil Nadu (Indhi) lan Joydepure, Banggaladésa[1]. Karya-karya tulisané kang wis diterbitaké antarané ya iku Parentesco y economia en una sociedad nahua (Krabatan lan Ékonomi ing Bebrayan Nahua) taun 1972, Migracion, etnicismo y cambio economico: un estudio de migrantes campesinos a la Ciudad de Mexico (Migrasi, Etnisitas lan Owah-owahan Ékonomi: Kajian saka Migrasi Wong Tani ing Mèksiko) taun 1978, lan Cultural desarrollo: una etnografia de las creencias de una comunidad mexicana (Budaya lan Owah-owahané: Ètnografi Kapercayan ing Bebrayan Mèksiko) taun 1989[1][2]. Arizpe duwé sumbangan akèh ing téoritis ètnografi lan panalitèn lapangan sajroning sistem sosial kang luwih amba ing Mèksiko[1].
Rujukan[besut | besut sumber]
- ↑ a b c d Amit, Vered (2004). Biographical dictionary of social and cultural anthropology. London: Routledge. kc. 23. ISBN 020364459X. OCLC 436848672.
- ↑ a b c "Prof. Lourdes Arizpe Official Website". Lourdes Arizpe. Dibukak ing 2017-11-07.