Lambang Poznań

Saka Wikipédia Jawa, bauwarna mardika basa Jawa
Lambang Poznań
Lambang Poznań

Lambang kutha Poznań wujudé témbok kutha awarna putih sing dhuwuré ana telung menara. Ing sisih kiwa ana gambaré Santo Petrus sing nyekel kunci lan ing sisih tengen ana gambaré Santo Paulus sing nyekel pedhang. In gapura témbok ana kunci emas loro sing nyilang lan dhuwuré ana salibé. Ing menara tengah sing ana cendhélané lan ana bèntèngé, ana gambaré tamèng sing isiné garudha putih nganggo makutha. Latar tamèng wernané abang. Ing sisih gambar wong suci loro iki ana wulan lintang emas. Kabèh unsur-unsur iki ana ing latar awerna biru. Ing dhuwuré tamèng ana makutha emas.

Sajarah[besut | besut sumber]

Lambang kutha Poznań dienggo kapisan ing sawijining layang resmi atanggal 1 Mèi 1344. Lambang iki wis amot kabèh élemèn modhèren kajaba makutha sadhuwuring tamèng. Ing sadawaning sajarah pirang-pirang vèrsi lambang tau dienggo, lumrahé luwih prasaja. Ing taun 1440, Ratu Vladislaus III saka Varna maringi Poznań hak kanggo ngecap layang-layang wigati mawa cap karaton awerna abang.

Simbulisme[besut | besut sumber]

  • témbok kutha-simbul kutha
  • Santo Petrus lan Santo Paulus – santo pangreksa katedral Poznan lankutha Poznan. Kabiskopan Poznan iku sing lawas dhéwé ing Polen, mulané nduwé hak kanggo nganggo santo pangreksa sing padha karo Vatikan
  • tamèng isi garudha putih – Lambang Przemysl II, Raja Polen
  • kunci – kaswatantran (otonomi) kutha
  • salib-agama Kristen
  • makutha sadhuwuring tamèng – fungsi Poznań kaya déné kutha krajan