Kuwé Pohulpohul
Kue Pohulpohul utawi Itak Pohulpohul inggih punika satunggaling jajanan khas tradhisional Batak ingkang asalipun saking Tapanuli.
Wujud lan Kandhutan
[besut | besut sumber]Wujudipun kuwé punika kados kepelan driji tangan mirip kaliyan Itak Gurgur amargi piranti kanggé nyithak punika namung prasaja inggih punika kepelan tangan. Awit saking punika kuwé kasebat kawastanan "pohulpohul" (kepelan).
Pohulpohul punika wonten kalih jinis nanging wujudipun sami, inggih punika ingkang mentah saha ingkang dipunkukus.
Kue pohulpohul punika gadhah kandhutan gizi kadosdene:
- karbohidrat,
- protéin,
- vitamin B1, B2, B3, B6,
- zat besi,
- kalsium,
- lemak,
- omega 3,
- serat
Filosofi
[besut | besut sumber]Pohulpohul punika asring dados angsal-angsal kanggé pihak kulawarga ingkang rawuh sowan kanthi ancas wonten pangandikan adat. Umpaminipun ngendikakaken babagan rencana badhé ngawontenaken mantènan kanggé putra putri kanggée pihak kekalih. Kue pohulpohul ingkang wujduipun kados kepelan tangan punika tilas driji-driji ingkang mbentuk pohulpohul kasebat satemah glepung beras minangka bahan utama dados padhet lan ngebaki isi, punika dados pralambang saking kadospundi pangandikan adat wonten ing kekalih pihak (paranak lan parboru) kalampahan. Wonten ing proses dialog ugi negosisasi kasebat, kadhangkala wonten tetembungan ingkang kirang mranani dhateng manah. Nanging kados déné pohulpohul ingkang tansah ngisi lan dados setunggal supados kekajengan ingkang nembé dipunsiapaken nalika badhé gadhah kersa punika saged sampurna.