Kuchisake-onna
Kuchisake-onna (口裂け女? "Wanodya Lambé Suwèk")[1] iku sawijining bleger in legéndha urban Jepang lan folklor. Dhèwèké dikenal minangka sawijining roh kang srèi, utawa onryō wadon. Rainé ditutupi nganggo sawijining topèng utawa samubarang liyané lan dhèwèké uga nggawa sawijining gaman kang landhep. Kuchisake-onna uga dikenal minangka yōkai.
Miturut legéndha populèr, dheweke takon marang wong kang bakal dadi kurbané manawa wong kuwi nganggep yèn Kuchisake-onna iku ayu. Yèn wong kasebut ngomong "ora", dhèwèké bakal mrajaya kurbané nganggo gamané. Yen dhèwèké mangsuli "iyha", Kuchisake-onna bakal mbukak topèngé lan nuduhaké yèn pojokan lambéné suwèk saka kuping siji nganti kuping liyané, banjur dhèwèké bakal mbalèni takon. Yèn wong kuwi banjur ngomong "ora", Kuchisake-onna bakal mrajaya nganggo gamané, lan yèn mangsuli "iyha", dhèwèké bakal ngethok pojokan lambéné wong kang dadi kurbané dadi mèmpèr karo lambéné Kuchisake-onna. Sawijining sara kang bisa digunakaké supaya bisa slamet nalikané mrangguli lan ditakoni karo Kuchisake-onna ya iku sarana mratèlakaké yèn Kuchisake-onna ora èlèk utawa ayu, nanging mung "rata-rata" waé, utawa kanthi nylimuraké Kuchisake-onna nganggo dhuwit utawa permèn kang atos.[2]
Rujukan[besut | besut sumber]
- ↑ Meyer, Matthew (31 May 2013). "Kuchisake onna". Yokai.com. Dibukak ing 6 August 2019.
- ↑ "Japanese Urban Legends from the "Slit-Mouthed Woman" to "Kisaragi Station"". nippon.com (ing basa Inggris). 2019-12-27. Dibukak ing 2020-02-08.