Kreteg Lawas Kutha Kadhiri
Kreteg Lama Kutha Kediri iki salah siji kreteg kang nyambungke Kutha Kediri sisih etan karo kulon. Dibangun sauntara taun 1800-an jaman Landa isih njajah Indonesia biyèn. Ing jaman iku amung kreteg iki kang nyembungne tlatah Madiun lan Surabaya. Ana uga masarakat kang percaya ing ngisor kreteg iki ana baya kang dikramatke ya iku baya putih.
Sajarah
[besut | besut sumber]Sajarah kreteg iki dicritakake buku kang ana ing nagara Belanda, duwé judhul "Nieuw Nederlandsch Biografisch Woordenboek." Kreteg iki wiwit digawé kanggo "Groote Postweg" (ratan gedhé) tanggal 18 Maret 1869. Sangka poto-poto "Kediri's Photograph Musiyum" ing kalurahan Ngronggo Kutha Kediri kena dideleng kreteg iki kena banjir gedhé ping bolak-balik. Paling gedhé taun 1954, pager-pager kreteg ambrok. Nanging amarga konstruksine kuwat, kreteg iki ora geser blas. Konstruksi kreteg iki digawé sangka wesi kang dibangun ing dhuwure cagak sekrup kang dipasang ing jero kali. Kreteg ing dhuwur Kali Brantas Kutha Kediri iki dianggep kreteg wesi kang pertama ing tanah Jawa lan dianggep adikarya insinyur ing jamane, ya iku Sytze Westerbaan Muurling.
Arsitek
[besut | besut sumber]Sytze Westerban Muurling lair ing Belanda tanggal 29 November 1836 lan séda tanggal 17 Oktober 1876 ing Batavia. Putra sangka Dr W. Muurling, pendheta uga profesor teologi. Westerbaan sekolah SD nganti SMA ing Ostenrik, dan juga pendidikan menengah pertama. Banjur neruske kuliah ing Huther, Groningen jupuk jurusan hukum. Nanging basan telung taun kuliah banjur mandhek sauntara wektu amarga lara. Banjur sakwuse mandhek lan ninggalne kuliah, ing taun 1854 Westerbaan kasil olehe ujian lumebu Royal Academy ing Delft. Tahun 1859 olèh ijazah insinyur sipil. Sangka préntah Mantri Koloni, tanggal 4 Fèbruari 1860 Wasterbaan diangkat dadi direktur penggaweyan umum ing Hindia Belanda.
Pranala njaba
[besut | besut sumber]Sejarah Jembatan Lama Kota Kediri Archived 2014-12-28 at the Wayback Machine.