Krasak (tetuwuhan)
Wit Krasak ya iku salah sawijiné wit-witan sing duwèni sapérangan jeneng, kaya ta; jerakah, bulu, gedag, degat, rasak, ipik, opak, lan liya-liyane. Miturut paniltèn sing ditindakakke K. Heyne ing buku Tumbuhan Berguna Indonesia I-IV (Badan penelitian dan Pengembangan Kehutanan Departemen Kehutanan, 1987) diandharaké yèn wit krasak duwèni godhong sing akeh lan duwuré bisa nganti 25 m.
wektu isih cilik wit krasak ora duwèni lonjor, banjur wiwit kabentuk lonjor semu sing campuran lan duwéni oyod gantung akeh. rikala jaman biyèn, wit-witan iki ana ing leladan kidul wétan sing duwuré sanisoré 200 mdpl. Ing wayah tartamtu godhong-gondhongé padha gogrog senadyan ora suwé.
miturut sujarahé ing Jawa pucuké godhong sing isih enom bisa dimasak gawé jejangan kanggo lawuh mangan sego lan godhong sing tuwa asring digawé pakané kewan ternak umpamané pakané jaran. Pakulinan kasebut uga ana ing pulo-pulo liya ing Indonesia.
Arané désa
[besut | besut sumber]désa-désa ing Jawa Wétan/Jawa Tengah/DIY sing nganggo jeneng Krasak ya iku :
| No. | Jeneng desa | Kecamatan | Kabupaten |
|---|---|---|---|
| 1. | Krasak | Pecanggan | Jepara |
| 2. | Krasak | Teras | Boyolali |
| 3. | Krasak | Salaman | Magelang |
| 4. | Krasak Ageng | Sragi | Pekalongan |
| 5. | Krasak | Mojotengah | Wonosobo |
| 6. | Krasak | Brebes | Brebes |
[1]
[besut | besut sumber]Rujukan
[besut | besut sumber]- ↑ Santosa, Iman Budi (2017). Suta Naya Dhadhap Waru. Yogyakarta: Interlude. kc. 254. ISBN 978-602-6250-42-1.