Korvèt

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Korvèt iku jinis kapal perang sing luwih cilik saka fregat lan luwih gedhé saka kapal patroli pasisir, sanadyan akèh désain paling anyar sing madhani fregat sajeroning ukuran lan tugas. Lumrahé dilebokaké kategori minangka kapal patroli sing mampu ngayahi operasi sergap lan serbu kanthi swatantra. Istilah korvèt dhéwé kawanuhaké déning Angkatan Laut Prancis ing abad angka 17 kanggo nyebutaké sawijining kapal cilik (lumrahé nggawa 20 mriem) sing dipigunakaké kanggo nglindhungi kapal dagang lan patroli lepas pasisir. Angkatan Laut Inggris sabanjuré uga mengadopsi istilah iki ing abad angka 19.

Desain kapal korvèt sing umum dipigunakaké nganti wektu iki minangka asil pengembangan saka kapal penangkap ikan paus (whale chatcher). Kapal iki minangka jawaban tumrap kapal perusak/destroyer utawa kapal penghancur kapal torpedo (torpedo boat destroyer) sing ukurané luwih gedhé. Angkatan Laut Inggris merlokaké kapal cilik lan gesit kanthi tugas nglindhungi kapal-kapal dagangé. Kapal korvèt dhéwé duwé fungsi sing padha karo kapal perusak, nanging ukurané luwih cilik.

Kapal korvèt, saliyané kapal fregat wujud kapal sing dadi primadona tumrap Angkatan Laut ing manéka nagara, ngèlingi kemampuané sing cukup gedhé. Kapal Korvèt saliyané nyandhang gaman sing cukup modhèren lan dipepaki rudal saéngga cukup ampuh yèn adhep-adhepan karo kapal-kapal perang liyané. Desain kapal korvèt sing paling anyar uga mampu ngangkud helikopter.

Album[besut | besut sumber]

Réferènsi[besut | besut sumber]

Sumber[besut | besut sumber]

Uga delengen[besut | besut sumber]

Wiktionary-logo.svg
Pirsani informasi ngenani Korvèt ing KamusWiki.

Pranala njaba[besut | besut sumber]