Kembang sungsang

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kembang Sungsang

Kembang sungsang duwéni jeneng élmiah Gloriosa superba. Ana uga kang ngarani kembang iki kanhi jeneng kembang Mandalika. Kembang kang dimangerténi mlebu kulawarga Liliaceae iki kalebu tanduran sakmangsa ya iku urip nalika wiwit mangsa rendheng. Wit iki dhuwuré 2 mèter lan duwé godhong ijo tunggal kang alus dawané 10-20cm lan ambané 3-6 cm. Kembangé majemuk awerna kuning pucuké warna jingga. Benang sariné metu lan melengkung mendhuwur kang dawane 5-8cm. Kembang sungsang kang wis tuwa duwé woh alus uga empuk sing wernané ijo kesoklatan. Oyoté serabut lan nutupi umbi kang bunder. [1]

Ékologi[besut | besut sumber]

Kembang sungsang nalika ésuk

Kembang sungsang minangka tetuwuhan asli saka bawana Afrika lan Asia. Banjur dibudhidhayakaké ing tlatah Florida lan Hawaii. Kembang sungsang biasané ditandur ing pot utawa dadi tanduran pager. Tanduran iki thukul ing dharatan cendhek nganti duwur 600 mèter ing sadhuwuring segara. Cara nandur ya iku kanthi umbiné kang diwénéhake ing lemah lan wanci paling apik ya iku wiwit mangsa rendheng.

Kandhutan kimia[besut | besut sumber]

Woh kembang sungsang

Kembang sungsang ngandhut senyawa alkaloida kang sipaté racun. Menawa ora segaja mangan umbiné bisa nyebabaké rasa kobong ing gurung, lambe lan ilat bengkak. Sakwisé iku dadi mencret, muntah, semaput, bisa uga nganti tilar donya.

Referènsi[besut | besut sumber]

  1. Widiyastuti, Yuli (2009). Mengenal Tumbuhan Berbahaya di sekitar kita. Tawangmangu karanganyar: Balai Besar Penelitian dan Pengembangan Tanaman Obat dan Obat Tradisional. ISBN 978-979-985722-4.