Kedhung Kayang
Kedhung Kayang yaiku salah sawijining grojogan kang éndah kang ana ing Kabupatèn Magelang. Grojogan iki dadi sumber destinasi wisata kanggo para wisatawan kang arep dolan menyang Magelang.[1]
Papan[besut | besut sumber]
Grojogan iki mapan ana ing antarané Gunung Merapi karo Gunung Merbabu. Yaiku ana ing Désa Wanaléla, Kecamatan Sawangan, Kabupatèn Magelang dan Désa Klakah, Kecamatan Sélo, Kabupaten Boyolali, Jawa Tengah. Dadi, Kedhung Kayang iki mapan ana ing perbatasané Kabupatèn Magelang lan Kabupatèn Boyolali. Adohè saka kutha Magelang kira-kira 30 kilometer. Grojogan Kedhung Kayang iki minangka salah sijinè papan kang dituju gawè wisata.[2]
Obyek[besut | besut sumber]
Madhegé obyèk wisata alam iki kurang luwih 1.200 meter ing dhuwur permukaan laut. Dhuwur Grojoganè dhèwè sawatara 40 mèter. Supaya bisa tekan marang lokasi tansah ngliwati dalan kang curam dan mènggok-mènggok. Wisatawan bisa nyawang kaéndahan grojogan iki saka ndhuwur lan saka ngisor grojogan. Akses dalan kang diliwati yaiku wujudé trundhakan kang wis dialuské saka watu lan semèn, dadi wis aman lan wisatawan ora perlu kuatir kepleset.
Mitos[besut | besut sumber]
Miturut mitos saka jaman biyèn, Kedhung Kayang iki dadi salah sawijining papan gawé kumpulé para leluhur. Ana uga kang nyebutké menawa papan iki dadi salah sawijing papan kanggo adus para widadari saka kahyangan kang mudhun ning bumi.[3]
Rujukan[besut | besut sumber]
- ↑ "Perjalanan Mendebarkan Menuju Air Terjun Kedung Kayang Magelang - Kompas.com". amp-kompas-com.cdn.ampproject.org. Diarsip saka sing asli ing 2022-10-27. Dibukak ing 2019-11-23.
- ↑ "Bak Berlibur ke Kahyangan, Begini Indahnya Air Terjun Kedung Kayang". suara.com. Dibukak ing 2019-11-23.
- ↑ "Aura Mistis Air Terjun Kedung Kayang, Tempat Menawan Para Empu Beradu Kekuatan". travelingyuk-com.cdn.ampproject.org. Dibukak ing 2019-11-23.