Kangkung cah trasi
(Kaelih saka Kangkung Cah Terasi)
Kangkung cah trasi yaiku panganan adhedasar kangkung kang diosèng karo bumbu- bumbu kaya ta bawang, brambang, lombok lan trasi. Panganan iki bisa dianggo madhang awan utawa soré. Biasané diadol ing warung utawa hik utamané kang sadeyan pecel lélé. Saka rupa, olahan iki mirip karo osèng-osèng kangkung.
Cara nggawé[besut | besut sumber]
Piranti[besut | besut sumber]
- Kangkung rong unting
- 3 lombok abang
- 5 lombok jemprit
- 2 bawang
- 3 brambang
- 1 wungkus trasi cilik
- 4 sendhok lenga gorèng
- Uyah sacukupé
- Banyu
Cara ngolah[besut | besut sumber]
- Kumbah kangkung banjur dirajang 7 sèntimèter.
- Rajang lombok, bawang lan brambang.
- Lebokaké lenga ing wajan lan urupaké geni.
- Lebokake lombok, bawang, brambang lan trasi.
- Osèng nganti ambuné arum.
- Entas lombok, brambang, bawang lan trasi.
- Uleg nganti lembut ing lèmpèr.
- Lebokaké ing wajan manèh.
- Lebokaké kangkung, banyu lan uyah.
- Nunggu nganti kangkung empuk.
- Entas saka kompor.
- Dèleh ing piring lan bisa disajèkaké.