Deleng sumberé Kamaboko

[[Gambar:Kamaboko.jpg|thumb|240px|right|Kamaboko kang [[werna]]ne abang lan putih.]]
{{nihongo|'''Kamaboko'''|蒲鉾}} ya iku jenengan kanggo manéka warna [[panganan]] olahan saka [[iwak]] kang dialusake, dicithak ing ndhuwur [[kayu]], lan dikukus nganti mateng. Irisan kamaboko bisa langsung dipangan utawa dianggo gegenep lan rerenggan panganan mawa duduh kaya ta [[ramèn]], [[soba]], utawa [[udon]].

Adonan diselehake ing ndhuwur tugelan kayu kang wujudé [[pesagi papat]] lan diratakake nganti mbentuk separo bunder. Kayu kang dipilih kanggo lambaran kamaboko iku kayu kang ora mambu nalika dikukus. Adonan kerep dicampur karo sumba panganan wernane [[jambon]] supaya luwih apik. Salah sijiné kamaboko kang diarani Naruto utawa Naruto-maki, yèn diiris bisa mbentuk irisan kang motife pusaran banyu. Kamaboko kang niru rasané [[kepithing]] diarani [[kanikama]] utawa kanikamaboko.

== Kamaboko ing Jepang ==
* Saiku kamaboko (kamaboko artistik)
:Kamaboko kang dicithak kaya iwak [[kakap]] utawa [[mizuhiki]], dianggo olèh-olèh kanggo tamu ing pahargyang temanten. Tradhisi iki ana ing kutha [[Maizuru, Kyoto|Maizuru]] lan [[prefektur Toyama]]. Kamaboko kang regane larang wujudé iwak kakap kanthi skala 1:1 kerep dibagekake marang para tamu pahargyan temanten kang sugih.

* Haben
:Ing Perfektur Toyama, kamaboko diarani Habén lan ora diwangun ing ndhuwur kayu, nanging diwangun kaya gulungan [[tamagoyaki]].

* Sasa-kamaboko (kamaboko [[pring]])
:Ing kutha [[Sendai]], kamaboko ora nganggo lambaran kayu, nanging diwangun kaya [[godhong]] pring (''sasa'') lan disundhuk nganggo sujèn. Sasa-kamabako dianggo minangka bebungah lan olèh-olèh khas Sendai.

* Yaki-kamaboko (kamaboko panggang)
:Ing [[Kansai]], wong luwih seneng kamaboko kang ndhuwure dipanggang nganti wernane kaya emas.

== Pranala njaba ==
* [http://io.ppi-jepang.org/article.php?id=140 Pangan laut: belajar dari Jepang] {{Webarchive|url=https://web.archive.org/web/20060619052734/http://io.ppi-jepang.org/article.php?id=140 |date=2006-06-19 }}
* {{ja}} [http://www.zenkama.com/index.html Asosiasi produsen kamaboko] {{Webarchive|url=https://web.archive.org/web/20090528101412/http://www.zenkama.com/index.html |date=2009-05-28 }} Situs web mirunggan kamaboko
* {{ja}} [http://www.kamaboko.coop/q&a/q&a01.htm Daftar pitakonan kang paling kerep ditakokake ngenani kamaboko] {{Webarchive|url=https://web.archive.org/web/20070311134002/http://www.kamaboko.coop/q%26a/q%26a01.htm |date=2007-03-11 }}

[[Kategori:Olah-olahan Jepang]]


{{panganan-stub}}