Jiang Wan
Jiang Wan (蔣琬) (? – 246) inggih punika pengageng lan patarèn saking kraton Shu Han nalika Jaman Tiga Nagari ing Cina. Sasampunipun sédaning Zhuge Liang, Jiang Wan nglajengaken pilenggahipun minangka patarèn lan juru siyasat baku ing kraton Shu. Zhuge Liang ugi ndhapuk Jiang Wan minangka ingkang ngelajengaken piyambakipun tumrap Kaisar Liu Chan sawatawis sadèrèngipun piyambakipun sèda. Sadangu lenggah nglajengaken Zhuge Liang, piyambakipun bènten ing pamanggih saking Zhuge Liang. Piyambakipun boten merangi nagari Wei kados ingkang dipunlampahaken Zhuge Liang sarana 7 ékspédisi ngaler. Malahan piyambakipun ngundhuraken sedanten prajurit Shu Han saking wewengkon kraton Wei. Lajeng, piyambakipun nggantos status nagari Shu saking ingkang nyerang dhumateng nrenggalangi. Jiang Wan namung nrenggalangi ngantos sadangu boten langkung 10 warsa amargi piyambakipun sakit ngantos séda. Ingkang nglajengaken Jiang Wan inggih punika Fei Yi lan Dong Yun.