Jangka Jayabaya

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Jangka Jayabaya iku ramalan ing tradhisi Jawa kang dipercaya ditulis déning Jayabaya, raja Karajan Kadhiri. Ramalan iki dikenal lumrahé dikenal ing kalangan masarakat Jawa.

Ramalan[besut | besut sumber]

  1. Besuk yèn wis ana kréta tanpa jaran
  2. Tanah Jawa kalungan wesi
  3. Prahu mlaku ing dhuwur awang-awang
  4. Kali ilang kedhungé
  5. Pasar ilang kumandhang
  6. Iku tandha yèn tekané jaman Jayabaya wis cedhak
  7. Bumi saya suwé saya mengkeret
  8. Sekilan bumi dipajeki
  9. Jaran doyan mangan sambel
  10. Wong wadon nganggo pakéyan lanang
  11. Iku tandhané yèn wong bakal nemoni wolak-waliking jaman
  12. Akèh janji ora ditetepi
  13. Akèh wong wani nglanggar sumpahé dhéwé
  14. Manungsa padha seneng nyalah
  15. Ora ngendahaké hukum Allah
  16. Barang jahat diangkat-angkat
  17. Barang suci dibenci
  18. Akèh manungsa mung ngutamakké dhuwit
  19. Lali kamanungsan
  20. Lali kabecikan
  21. Lali sanak lali kadang
  22. Akèh bapa lali anak
  23. Akèh anak wani nglawan ibu
  24. Nantang bapa
  25. Sedulur padha cidra
  26. Kulawarga padha curiga
  27. Kanca dadi mungsuh
  28. Akèh manungsa lali asalé
  29. Ukuman Ratu ora adil
  30. Akèh pangkat kang jahat lan ganjil
  31. Akèh kelakuan kang ganjil
  32. Wong apik-apik padha kapencil
  33. Akèh wong nyambut gawé apik-apik padha krasa isin
  34. Luwih utama ngapusi
  35. Wegah nyambut gawé
  36. Kepingin urip méwah
  37. Ngumbar nafsu angkara murka, nggedhekaké duraka
  38. Wong bener thenger-thenger
  39. Wong salah bungah
  40. Wong apik ditampik-tampik
  41. Wong jahat munggah pangkat
  42. Wong agung kasinggung
  43. Wong ala kapuja
  44. Wong wadon ilang kawirangané
  45. Wong lanang ilang kaprawirané
  46. Akèh wong lanang ora duwé bojo
  47. Akèh wong wadon ora setya marang bojoné
  48. Akèh ibu padha ngedol anaké
  49. Akèh wong wadon ngedol awaké
  50. Akèh wong ijol bebojo
  51. Wong wadon nunggang jaran
  52. Wong lanang linggih plangki
  53. Randha seuang loro
  54. Prawan seaga lima
  55. Dhudha pincang laku sembilan uang
  56. Akèh wong ngedol ngèlmu
  57. Akèh wong ngaku-aku
  58. Njabané putih njeroné dhadhu
  59. Ngakuné suci, nanging suciné palsu
  60. Akèh bujuk akèh lojo
  61. Akèh udan salah mangsa
  62. Akèh prawan tuwa
  63. Akèh randha nglairaké anak
  64. Akèh jabang bayi lair nggolèki bapakné
  65. Agama akèh kang nantang
  66. Prikamanungsan saya ilang
  67. Omah suci dibenci
  68. Omah ala saya dipuja
  69. Wong wadon lacur ing ngendi-endi
  70. Akèh laknat
  71. Akèh pengkianat
  72. Anak mangan bapak
  73. Sedulur mangan sadulur
  74. Kanca dadi mungsuh
  75. Guru disatru
  76. Tangga padha curiga
  77. Kana-kéné saya angkara murka
  78. Sing weruh kebubuhan
  79. Sing ora weruh ketutuh
  80. Bésuk yèn ana peperangan
  81. Teka saka wétan, kulon, kidul lan lor
  82. Akèh wong becik saya sengsara
  83. Wong jahat saya seneng
  84. Wektu iku akèh dhandhang diunèkaké kuntul
  85. Wong salah dianggep bener
  86. Pengkhianat nikmat
  87. Durjana saya sampurna
  88. Wong jahat munggah pangkat
  89. Wong lugu kebelenggu
  90. Wong mulya dikunjara
  91. Sing curang garang
  92. Sing jujur kojur
  93. Pedagang akèh kang keplarang
  94. Wong main akèh kang ndadi
  95. Akèh barang karam
  96. Akèh anak karam
  97. Wong wadon nglamar wong lanang
  98. Wong lanang ngasoraké drajaté dhéwé
  99. Akèh barang-barang mlebu luang
  100. Akèh wong kaliren lan wuda
  101. Wong tuku ngglènik kang dodol
  102. Sing dodol akal okol
  103. Wong golèk pangan kaya gabah diinteri
  104. Sing kebat kliwat
  105. Sing telah sambat
  106. Sing gedhé kesasar
  107. Sing cilik kepleset
  108. Sing anggak ketunggak
  109. Sing wedi mati
  110. Sing nékat mbrekat
  111. Sing jerih ketindhih
  112. Sing ngawur makmur
  113. Sing ngati-ati ngrintih
  114. Sing ngedan keduman
  115. Sing waras nggagas
  116. Wong tani ditalèni
  117. Wong dora ura-ura
  118. Ratu ora netepi janji, musna panguwasané
  119. Bupati dadi rakyat
  120. Wong cilik dadi priyayi
  121. Sing mendélé dadi gedhé
  122. Sing jujur kojur
  123. Akèh omah ing ndhuwur jaran
  124. Wong mangan wong
  125. Anak lali bapak
  126. Wong tuwa lali tuwané
  127. Pedagang adol barang saya laris
  128. Bandhané saya ludhes
  129. Akèh wong mati kaliren ing sisihé pangan
  130. Akèh wong nyekel bandha nanging uripé sangsara
  131. Sing édan bisa dandan
  132. Sing bengkong bisa nggalang gedhong
  133. Wong waras lan adil uripé nggrantes lan kepencil
  134. Ana peperangan ing njero
  135. Timbul amarga para pangkat akèh kang padha salah paham
  136. Durjana saya ngambra-ambra
  137. Penjahat saya tambah
  138. Wong apik saya sengsara
  139. Akèh wong mati jalaran saka peperangan
  140. Kebingungan lan kobongan
  141. Wong bener saya thenger-thenger
  142. Wong salah saya bungah-bungah
  143. Akèh bandha musna ora karuan lungané
  144. Akèh pangkat lan drajat padha minggat ora karuan sababé
  145. Akèh barang-barang karam, akèh bocah karam
  146. Bejané kang lali, bejané kang éling
  147. Nanging sauntung-untungé kang lali
  148. Isih untung kang waspada
  149. Angkara murka saya ndadi
  150. Kana-kéné saya bingung
  151. Pedagang akèh alangané
  152. Akèh buruh nantang juragan
  153. Juragan dadi umpan
  154. Sing suwarané seru olèh prabawa
  155. Wong pinter diingar-ingar
  156. Wong ala diuja
  157. Wong ngerti mangan ati
  158. Bandha dadi memala
  159. Pangkat dadi pemikat
  160. Sing sawenang-wenang rumangsa menang
  161. Sing ngalah rumangsa kabèh salah
  162. Ana Bupati saka wong kang asor imané
  163. Patihé kepala judhi
  164. Wong kang atiné suci dibenci
  165. Wong kang jahat lan pinter jilat saya drajat
  166. Pemerasan saya ndadra
  167. Maling lungguh wetengé mblenduk
  168. Pitik angrem saduwuré pikulan
  169. Maling wani nantang kang duwé omah
  170. Begal padha ndhugal
  171. Rampok padha keplok-keplok
  172. Wong momong mitenah kang diemong
  173. Wong jaga nyolong kang dijaga
  174. Wong njamin njaluk dijamin
  175. Akèh wong mendem donga
  176. Kana-kéné rebutan unggul
  177. Angkara murka ngombro-ombro
  178. Agama ditantang
  179. Akèh wong angkara murka
  180. Nggedhèkaké duraka
  181. Ukum agama dilanggar
  182. Prikamanungsan di-iles-iles
  183. Kasusilan ditinggal
  184. Akèh wong édan, jahat lan kélangan akal budi
  185. Wong cilik akèh kang kepencil
  186. Amarga dadi kurbané si jahat kang jajil
  187. Banjur ana Ratu duwé prabawa lan nduwé prajurit
  188. Lan nduwé prajurit
  189. Nagarané ambané saprawolon
  190. Tukang mangan suap saya ndadra
  191. Wong jahat ditampa
  192. Wong suci dibenci
  193. Timah dianggep pérak
  194. Emas diarani tembaga
  195. Dandang dikandakaké kuntul
  196. Wong dosa sentosa
  197. Wong cilik disalahaké
  198. Wong nganggur kesungkur
  199. Wong sregep krungkep
  200. Wong nyengit kesengit
  201. Buruh mangluh
  202. Wong sugih krasa wedi
  203. Wong wedi dadi priyayi
  204. Senengé wong jahat
  205. Susahé wong cilik
  206. Akèh wong dakwa dinakwa
  207. Tindaké manungsa saya kuciwa
  208. Ratu karo Ratu padha rembugan nagara endi kang dipilih lan disenengi
  209. Wong Jawa kari separo
  210. Landa-Cina kari sejodho
  211. Akèh wong ijir, akèh wong cethil
  212. Sing éman ora keduman
  213. Sing keduman ora éman
  214. Akèh wong mbambung
  215. Akèh wong limbung
  216. Selot-seloté mbesuk wolak-waliking jaman teka