Menyang kontèn

Implan untu

Saka Wikipédia Jawa, bauwarna mardika basa Jawa
(Kaelih saka Implan gigi)
Implan untu
Sawijining implan untu kang kagayut makutha kang kanggo ganti sawijining untu
ICD-9-CM23.5-23.6
MeSHD003757

Implan untu ya iku sawijing komponèn bedah awak kang kagayut marang untu. Implan untu gunané kanggo ngganti oyodé untu palsu. Wujudé implan iki kaya ta sekrup kang saka logam. Akèh-akèhé wong nganggo implan untu supaya gampang anggoné mangan panganan lan katon tambah ayu utawa ganteng. Implan untu bisa ditindakaké amarga kurangé oyod untu alami ora bisa masang untu palsu.[1][2]

Mupangat

[besut | besut sumber]

Mupangat masang implan untu iku akèh, antarané kaya:[3]

  1. Nambah kapitayan awaké dhéwé, untu kang bolong bisa ditambal nganggo implan untu lan katon untuné katon utuh.
  2. Nambah fungsi cangkem lan nambah kapitayan kanggo ngomong. Menawa namung nganggo untu palsu, dikuwatirké untu bisa copot lan ngganggu anggoné ngomong.
  3. Supaya ngemah panganan luwih kepénak, implan untu ngurangi risiko untu palsu kang gampang copot. Menawa gigi palsu gampang copot bisa nyebabaké kangèlan kanggo ngemah panganan. Implan untu kaya ta nandur untu, mula luwih kuwat lan menawa mangan tanpa duwé rasa kuwatir kanggo mamah panganan.
  4. Nambah kasarasan untu lan cangkem.
  5. Awèt, implan untu bisa awèt nganti taunan. Diperlokaké pangrumatan kang teratur supaya implan untu bisa awèt nganti suwé.
  6. Nambah kepénak, amarga nyengkuyung pasuryan supaya pipiné ora katon kendhor.

Tata cara

[besut | besut sumber]
Tata cara implan untu
To help the surgeon position the implants a guide is made (usually out of acrylic) to show the desired position and angulation of the implants.
Kanggo mernahké pusisi implan, samubarang saka akrilik digawé kanggo nuduhaké pusisi implan sing dikarepaké.
Sometimes the final position and restoration of the teeth will be simulated on plaster models to help determine the number and position of implants needed.
Kadhangkala pusisi pungkasan kanggo ngganti untu dimodhèlké nganggo plèster kanggo mutusaké cacah lan pusisi implan kang dipèngini.
CT scans can be loaded to CAD/CAM software to create a simulation of the desired treatment. Virtual implants are then placed and a stent created on a 3D printer from the data.
CT scan bisa ditindakaké nganggo piranti alus CAD/CAM kanggo simulasi tindakan kang dipinginké. Implan virtual dipernahaké lan dicetak nganggo mesin cetak 3 dimènsi saka data.

Tata carané masang implan untu saka wiwitan nganti pungkasan bisa nganti pirang-pirang sasi suwéné. Akèh-akèhé suwéné tata cara iki amarga kanggo nunggu suwéné thukulé balung anyar ing wang lan kanggo marèkaké. Suwéné iki miturut kahanan untu, bahan kang digunakaké, lan ana tata cara kang mligi apa ora. Njlèntrèhan implan untu bisa dijelaské ing ngisor iki:[4][5]

Évaluasi wiwitan

[besut | besut sumber]

Implan untu diwiwiti évaluasi kang ditindakaké dhokter untu utawa dhokter bedhah kanthi utuh lan kabèh kahanan diteliti. Tata carané:

  1. Dibutuhaké sinar-X lan modhèl untu kanggo mestèkaké untu sing dipasang padha karo untu asli
  2. Kahanan balung wang dipriksa lan diétung cacah untu kang diganti nganggo implan untu. Prosès iki uga ditindakaké déning spèsialis untu (juru bedhah maksilofasial lan periodontis).
  3. Dhokter untu mriksa kahanan mèdhis lan obat kang dikonsumsi déning pasièn. Pasièn dipriksa sujarah lelarané, contoné duwé lelara jantung utawa implan balung. Menawa duwé sujarah lelara iku dhokter untu mènèhi antibiotik marang pasièn.
  4. Dhokter ngwawanrembug marang pasièn jinis anèstèsi apa kang digunakaké nalika bedhah. Tim bedhah uga njlèntrèhaké pratèlan pamrayoga lan pamenging kang kudu dinut déning pasièn.

Masang implan untu

[besut | besut sumber]

Sawisé kabèh siap, masang untu lan implan untu ditindakaké déning dhokter bedhah untu lan lambé. Wiwitané gusi pasièn dibukak lan bukak pérangan untu. Untu dibor nganti wujudaké bolongan. Bolongan iku kanggo masang sekrup implan untu. Sekrup iku gunané kanggo masang implan untu kang dadi oyodé untu. Ing langkah iki untu palsu durung dipasang.

Nunggu thukulé balung

[besut | besut sumber]

Sawisé implan untu dipasang, osseointegration (ndadèkaké siji implan lan balung) diwiwiti. Langkah iki, balung wang thukul lan dadi siji marang implan untu. Prosès iki suwéné sawenèh sasi. Prosès iki ancasé kanggo duwéni dhasar untu kang kuwat.

Masang panyangga

[besut | besut sumber]

Sawisé osseointegration, dipasang panyangga. Panyanggaiki gunané supaya makutha untu bisa tememplèk. Tata carané masanga panyangga ya iku:

  1. Dhokter gigi mbukak gusi kanggo mbukak implan untu.
  2. Panyangga dipasang ing implan untu
  3. Jaringan gusi ditutup, nanging pérangan panyangga tetep dibukak
  4. Milih untu palsu kang anyar

Milih untu palsu sing anyar

[besut | besut sumber]

Sawisé gusiné mari, pasièn duwéni bolongan gusi lan untu luwih akèh. Lubang iki digunakaké kanggo masang makutha untu palsu supaya katon asli. Makutha dipasang nalika balung wang cukup kuwat kanggo masang untu anyar. Dhokter untu uga nari pasièné menawa masang untu permanèn, pasang-copot, lan campuran kaloroné.

Pasang-copot

[besut | besut sumber]

Jinis untu iki kaya untu palsu kang saklumrahé. Untu palsu iki ditèmpèlakénganggo plastik werna jambon, kang dipasang ing rangka logam kang dipasang ing panyangga implan untu. Untu jinis iki gampang dicopot lan diresiki.

Permanèn

[besut | besut sumber]

Untu permanèn iki dipasang kanthi disekrup utawa disemèn ing panyangga implan. Pasièn ora usah nyopot untu nalika turu utawa diresiki. Saben implan untu rumaket marang panyanggané. Amarga saking kuwaté, sawenèh untu bisa diganti déning sakimplan untu kang didadèkaké siji.

Sawisé masang implan untu

[besut | besut sumber]

Sawisé implan untu, ana samubarang kang ganggu ing laladan untu lan sakiwatengené. Salah sijiné ya iku rai lan gusi kang bengkak. Banjur ana rasa njarem ing gusi, rasa ngilu ing pernahé implan, lan metu getih kang sithik. Sawisé tindakan operasi, pasièn diwènèhi obat anti-ngilu lan antibiotik. Pasièn diprayogakaké mangan panganan kang empuk. Lumrahé jaitan saka operasi kang bisa ilang dhéwé, nanging menawa jaitan iku ora bisa ilang, dhokter kang nguculké jaitan iku.

Risiko

[besut | besut sumber]
Komplikasi implan
Peri-implantitis
Balung kang kropos (peri-implantitis) ing implan kang luwih saka 7 taun ing wong kang kerep ngrokok
Fixture show
Resèsi ginggiva kang nuju marang panyangga logam ing ngisoré makutha untu
Black triangles
Segitelu ireng kang disebabaké ilangé balung antara implan lan untu kang asli
Fracture implant
Implan lan sekrup panyangga kang tugel iku kagagalan kang gedhé lan ora bisa diselamatké
Abutment fracture
Tugelé panyangga (all-zirconia) butuhaké upaya ngalih panyangga lan makutha untu
Screw fracture
Tugelé panyangga sekrup (panah) ing 3 implan. Dibutuhké upaya kanggo ngilangi sisa sekrup
Cement peri-implantitis
Semèn dhental ing ngisoré gingiva nyebabaké peri-implantitis lan implan kang ora kasil

Implan untu iku kalebu sawijining kagiyatan bedhah, mula duwéni sawenèh risiko kanggo awak. Perkara implan untu arang kadadeané , menawa perkarané cilik bisa diobati. Risiko kapisan ya iku anané infèksi ing pernahé implan. Risiko iki ana amarga ana tindakan bedhah ing pernahé implan. Kaping pindho ya iku rusaké susunan sakiwa-tengené pernahé implan, kaya ta untu utawa pambuluh getih. Kaping telu ya iku rusaké saraf kang nyebabaké mati rasa, ngilu, lan gringgingen ing untu, gusi, lambé, lan janggut. Kaping papat ya iku sinus, rongga sinus dadi keganggu amarga anané implan kang dipasang ing wang sisih dhuwur.[1]

Rujukan

[besut | besut sumber]
  1. ↑ a b Kalis, Gerardus Septian (2019-09-19). "Implan Gigi atau Gigi Palsu, Mana yang Efektif?". Informasi Kesehatan dan Tips Kesehatan - Dokter Sehat (ing basa Indonesia). Diarsip saka sing asli ing 2019-11-16. Dibukak ing 2020-01-31.
  2. ↑ "Dental Implant Surgery -- Advantages, Risks, and Insurance Questions". WebMD (ing basa Inggris). Dibukak ing 2020-01-31.
  3. ↑ "These Six Benefits of Dentures Could Be Your Key to a Better Smile" (ing basa Inggris Amérika Sarékat). Dibukak ing 2020-01-31.
  4. ↑ "Dental implant surgery - Mayo Clinic". www.mayoclinic.org. Dibukak ing 2020-01-31.
  5. ↑ "Dental Implant Surgery: What to Expect, Colgate Oral Care". www.colgate.com (ing basa Inggris Amérika Sarékat). Dibukak ing 2020-01-31.
Dijupuk saka "https://jv.wikipedia.org/w/index.php?title=Implan_untu&oldid=1643444"