Humboldt-Box

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Humboldt-Box

Humboldt-Box iku sawijining gedhong paméran sawatara sing dibuka taun 2011 ing Berliner Schloßplatz ing sabrangé Lustgarten ing Berlin Mitte. Gedhong iki ndarbèni fungsi minangka punjer informasi nalika Kastil Berlin (Berliner Stadtschloss) dibangun manèh lan Humboldtforum ditata, kanggo mratélakaké sajarahé papan iki lan panrapan papan iki ing tembé. Sanajan gedhong iki sajatiné proyèk Sénat Berlin pérangan pangrembakan kutha (Berliner Senatsverwaltung für Stadtentwicklung), sing mènèhi béya iku sèktor swasta. Nalika nggolèki sing bakal gelem mènèhi dana, mula dianakaké pangumuman tènder.[1] Ing sasi September 2009, Firma Megaposter olèh.

Téma pamèran sajeroning Box iki, sajarah, pambangunan lan delahaning Kastil Berlin saha Humboldtforum. Saliyané iku informasi ngenani konsèp pamèran interaktif anyar sing lagi dikembangaké kanggo Humboldtforum uga dipratélakaké. Ing kéné mengko bakal dadi punjeré pamèran kolèksi njaba-Éropah lan téma kabudayan saha sains. Ing taun 2013 Humboldt-Box bisa narik ditekani 136.000 wong.[2]

Dèskripsi[besut | besut sumber]

Gedhong gagrag futuristik iki ndarbèni limang tingkat lan dunungé ana ing tengah Kutha Berlin,[3] pepak karo téras lan rèstoran ing payoné mawa pandelengan marang Lustgarten,[4][5] dhuwuré 28 mèter lan ambané 3.000 m2.[6] Gedhong iki dibuka tanggal 29 Juni 2011 lan 50 dina sawisé wis bisa nampa tamu sing kaping 100.000.[7] Rencanané manawa Kastil Berlin lan Humboldtforum wis rampung lan tinata rapi, rencanané 2019, gedhong iki mengko bakal digempur.[3][8]

Réferènsi[besut | besut sumber]

  1. Humboldt-Box kann doch gebaut werden. Ing Der Tagesspiegel, 15 Juli 2008, diaksès 14 Juni 2011
  2. Ausflugsziele in Deutschland – Zahlen Online, diaksès 7 Mèi 2014.
  3. a b Jason La: "Offbeat Traveler: The Humboldt Box in Berlin" Los Angeles Times, 29 Juni 2011, diaksès 26-Feb-2012
  4. Berliner Humboldt-Box öffnet Ende Juni rbb-Nachrichten, 24 April 2011 diaksès 26-Feb-2012
  5. Bernhard Schulz: Ein Vorgeschmack auf das Schloss Der Tagesspiegel, 1 Juli 2011 diaksès 9-Mar-2011
  6. Der Senat beschließt das Schloss Der Tagesspiegel, 22 Fèbruari 2012 diaksès 27-Feb-2012
  7. Berliner Zeitung, 13 Oktober 2011
  8. Die Humboldt-Box - futuristisches Gebilde in Silbermetallic-Hülle ThyssenKrupp Plastics (ing basa Basa Jerman) diaksès 8-Mar-2011

Pranala njaba[besut | besut sumber]