Harris Effendi Thahar

Harris Effendi Thahar ingih menika tokoh sastra Indonésia. Piyambakipun miyos wonten ing Tembilahan, Riau, 4 Januari 1950. Ing taun 1986 piyambakipun lulus saking STM jurusan Bangunan Air ing Padang. Gelar Sarjana Muda dipungayuh ing taun 1976 saking jurusan Pendidikan Teknik Arsitektur, FKT IKIP Padang. Piyambakipun ugi marsudi kawruh bab sastra wonten ing jurusan Bahasa dan Sastra IKIP Padang lulus taun 1994 kanthi skripsi mawi irah-irahan Analisis Tematis Cerpen-Cerpen Pilihan Kompas 1992-1993. Ing taun 1986 piyambakipun ngasta pangarsa seksi pernaskahan, Lembaga Penerbitan dan Percetakan IKIP Padang. Ing wekdal kasebut ugi ngasta rekdaktur fiksi saha karangan khas kalawarti mingguan Canang. Salajengipun, ing taun 1990 ngasta pangarsa penyunting kalawarti wulanan kampus, inggih menika Ganto. Ing taun 1995 piyambakipun nindakaken jejibahan mucal wonten ing Universitas Tasmania, Hobart, Australia. Wondéné ing taun 1993-1998 piyambakipun ngasta sekretaris Dewan Kesenian Sumatera Barat. Piyambakipun ugi minangka salah satunggaling tiyang ingkang damel Sanggar Bumi.

Anggitan

Buku-buku seratanipun antawisipun kempalan puisi Lagu Sederhana Merdeka (1976), Kiat Menulis Cerita Pendek (1999), cariyos lare Bendera Kertas dan Daun Jati, saha Si Padang. Cerpen-cerpen anggitanipun Thahar ingkang kawedalaken minagka cerpen terbaik Kompas inggih menika Pelajaran Mengarang, Lampor, Laki-Laki yang Kawin dengan Peri, saha sanèsipun.