Greja Katulik St Andreas Malang
Greja Katulik Santo Andreas salah sawijining greja paroki ana ing tlatah Kutha Malang. Greja iki wis 19 taun mangadeg. Panyelehan watu sepisanan dumadi tanggal 6 September 1992 banjur lagi diresmikaké tanggal 21 Maret 1999[1]. Pangetan ambal warsa greja dipengeti saben tanggal 21 Maret, upacara pangayom greja digelar saben taun ing tanggal 30 Nopember.
Greja Katulik St Andreas diwangun awit saka tuwuhe umat Katulik sing saya akeh ing Kutha Malang. Dipandégani dening Bapak F. X. Soemarmo sing sejatine salah sawijining umat katulik biyasa. Dene Romo sing sepisanan mangku ing greja iki yaiku Romo Ignasius Cahyo Irwanto[2]. Nalika sepisanan dibuka, taun 1999, cacahe umat Katulik ana 428 kluwarga (KK).
Proses Wangune Greja[besut | besut sumber]
Ana telung tahap wangune Greja St. Andreas. Sawise penyelehan watu sing sepisanan, tahap sepisan age diwiwiti saka tahun 1992 nganti 1995. Tahap iki minangka pembangunan basement. Banjur kabacutaké taun 1995 nganti 1996, ing tahap iki mbangun basement nganti rampung[3]. Tahap katelu yaiku pembangungan balé gréja nganti rampung, kawiwitan ing taun 1996, nanging ing taun 1998 pembangunan kapeksa mandheg sawatara amarga anané krisis. Pembangunan tahan iki dibacutaké nganti rampung ing taun 1999.
Arsitektur[besut | besut sumber]
Grèja Santo Andrèas iki nduweni rancangwangun sing unik. Wangune wuwungan kaya téndha kèmah. Saka kadohan wanguné greja katon bunder seser nanging nyatané ana 12 sisi sing mupeng meh kaya bunderan. Arsitèk pambanguné Greja yaiku Tonnie Johan. Gaya arsitektur Grèja Santo Andreas memper kaya salah sawijining Grèja Katulik ing Kutha Sorong, Papua. Saka peresmian nganti saiki durung nate ana rènovasi gedhé-gedhéan. Ing taun 2007 dibangun taman ibadah lan Guwa Maria ing salah sisih wetan lore greja kang diresmikake dening Uskup Malang.
Referensi[besut | besut sumber]
- ↑ admin. "Keberadaan Orang Katolik Di Ujung Timur Pulau Jawa & Di Pulau Madura | Keuskupan Malang" (ing basa Indonesia). Dibukak ing 2019-05-15.
- ↑ "Gereja St Andreas Tidar Malang | HIDUPKATOLIK.com" (ing basa Inggris Amérika Sarékat). Dibukak ing 2019-05-15.
- ↑ admin. "Sejarah Paroki Tidar | Keuskupan Malang" (ing basa Indonesia). Dibukak ing 2019-05-15.