Menyang kontèn

Grand Theft Auto V

Saka Wikipédia Jawa, bauwarna mardika basa Jawa

Grand Theft Auto V utawa kerep dicekak GTA V iku sawijining dolanan komputer kalebu genre aksi-panglelanan sing digawé déning Rockstar North lan kapisan dibabar ing taun 2013 déning Rockstar Games. Kanggo format Playstation 3 lan X Box 360, dolanan komputer iki dirilis ing sasi Sèptèmber 2013, kanggo Playstation 4 lan XBox One ing Novèmber 2014, lan kanggo Microsoft Windows ing sasi April 2015. Dolanan iki sing kapisan dirilis sajeroné sérial Grand Theft Auto wiwit Grand Theft Auto IV sing dibabar ing taun 2008.

Dolanan komputer critané perkara telung durjana lan ayahané golèk dhuwit utawa tumindak kadurjanan kamangka digencèt déning para pagawé pamaréntah sing korupsi. Désain dolanan komputer sing tinarbuka iki marahi para juru main bisa bébas anglelana ing tlatah padésan San Andreas lan ing kutha fiktif Los Santos. Los Santos iku adhedhasar kutha Los Angeles.

Béa nggawé lan marketing dolanan komputer iki antara €200 lan €265 yuta. Nalika dirilis, dolanan iki sing larang dhéwé sing tau digawé.[1] Ing dina kapisan, omzèt dolanan iki wis US$800 yuta lan sawisé telung dina GTA V bisa ngasilaké US$ 1 milyar, angka rékor.[2]

Réferènsi

[besut | besut sumber]