Gréja Ganthem

Gréja Ganthem saka njaba

Gréja Ganthem (basa Swèdhen: Ganthems kyrka) iku sawijining gréja saka abad tengahan ing Pulo Gotland, Swèdhen. Gréja iki sawijining gréja agagrag Romanesque sing apik kalestarèkaké. Ing kéné ana lukisan témbok saka abad kaping 15 saha sawetara prabotan saka abad tengahan. Gréja iki kalebu Kabiskopan Visby.

Sujarah lan arsitèktur

Gréja Ganthem iku sawijining gréja mawa gagrag Romanesque, dirampungaké ing tengahé abad kaping 13. Papan kur karo apsis sing lawas dhéwé, saka pungkasané abad kaping 12. Panti umaté iku sawetara luwih anyar, saka awal abad kaping 13, kamangka menara gréja iku tambahan anyar dhéwé. Kejaba cendhéla sing digedhèkaké ing abad kaping 19 lan tambahan sakristi ing dasawarsa 1930-an, gréja iki panggah ora diowahi wiwit abad kaping 13.

Interior gréja iki didékorasi mawa lukisan témbok saka abad kaping 15. Ing témbok sisih lor, ana lukisan sasèt sing nggambaraké Kasangsarané Kristus. Sèt lukisan iki ora lumrah, awit ora tau dilabur, lan isih nglestarèkaké semangat lukisané sing asli. Ing sisih kidul, ana lukisan témbok sasèt manèh sing nggambaraké sawetara subyèk religi.

Gréja iki ngamot sawetara barang-barang saka abad tengahan. Bak baptis iku saka paro kapindho abad kaping 14 lan dianggep digawé déning seniman ajeneng Hegvald. Salib kamenangan iku saka sakiwatengené taun 1200 lan isih apik, nganti nggumunaké. Rerenggané altar iku mung tiron, asliné sing saka abad kaping 14 saiki ana ing Museum Sujarah Swèdhen.

Gladri

• 
  Lukisan perkara Kasangsarané lan Pamenthangané Yèsus

Wawacan sabanjuré

• Roosval, Johnny (1952). Ganthems kyrka (in: Kyrkor i Halla ting, norra delen). Sveriges kyrkor, konsthistoriskt inventarium . Vol. 66. Stockholm: Generalstabens Litografiska Anstalt. kc. 218–251. ISSN 0284-1894.

Pranala njaba

• Médhia magepokan Gréja Ganthem ing Wikimedia Commons