Gréja Boge

Gréja Boge (Swèdhen: Boge kyrka) iku gréja saka abad tengahan ing Boge, Pulo Gotland, Swèdhen. Gedhongé sing baken dibangun ing abad kaping 13, nanging menarané dibangun ulang ing abad kaping 19, sawisé ambruk kena prahara. Gréja iki ngandhut lukisan témbok saka abad tengahan. Gréja iki darbèné Gréja Swèdhen lan dunungé ing Kabiskopan Visby.

Sujarah lan arsitèktur[besut | besut sumber]

Gréja Boge iku sawijining gréja mawa gagrag Gotik awal. Bagéan tuwa dhéwé yaiku panggonan kur lan sakristi, saka tengahan abad kaping 13. Panti umat iki luwih anyar, lan nggantèni panti umat Romanesque luwih awal. Mula panti umaté ora lumrah ukurané, luwih cendhak lan luwih jembar, kaya-kaya kudu dipasaké antara menara sing wis ana lan papan kur. Menarané sing saiki iki dibangun antara taun 1867-92, amarga menarané ambruk kena prahara ing taun 1857. Ing prastawa iki, panti umaté ya rusak banget, nanging ing tembé dirékonstruksi manèh.