Gréja Alva
Gréja Alva iku gréja ing Pulo Gotland, Swèdhen. Gréja saka abad tengahan iki ngandhut lukisan témbok sing misuwur. Bagéan tuwa dhéwé ing gréja iki sakapungkasan abad kaping 12; kanthi pambangunan menara sing mandheg kira-kira saabad, kagiyatan mbangun mandheg. Gréja iku ngandhut lukisan témbok saka abad tengahan uga sawetara perabotan saka abad tengahan lan sawetara objèk kagunan. Gréja iki dunungé ing Kabiskopan Visby lan anggota Gréja Swèdhen.
Sujarah lan arsitèktur
[besut | besut sumber]
Bagéan tuwa dhéwé gréja iki yaiku papan kur Romanesque pungkasan lan apsis, sing sangkané saka pungkasan abad kaping-12.[1] Banjur ditambahi kubah ing pungkasan abad sing padha. Olèhe mbangun menara amba diwiwiti udakara satus taun sawisé, nanging durung rampung; mula katon kaya ngono gréjané saiki. Sajatiné pambangunan gréja agé banget: saliyané menara sing satengah rampung, portal utama ing sisih kidul, katoné ya kesusu lan sembarangan olèhé ngrampungi.[2]
Portal papan kur iki mawa gagrag Romanesque lan ana relièf ukirané, bokmanawa digarap déning seniman ing bèngkèlé lan ditepungi minangka Sigraf. Portal lor gréja sing uga mawa gagrag Romanesque sing mèmper uga dipaèsi mawa reca-reca.[2]
Ing njero, gréja nuduhaké sasèt lukisan témbok sing kalaksanan ing pungkasan abad tengahan, bokmanawa sadurungé Réformasi lan bisa uga seniman sing padha maèsi Gréja Lau. Antarane perabot, salib triumphal sing dominan, wiwit ing tengah abad kaping 13, lan bak baptis sing kalestarèkaké sabagéan, digawé dénig bèngkèl utawa juru ukir Romanesque sing diarani Hegvald nalika pungkasan abad kaping 12, mliginé. Mimbar iki saka taun 1740 lan altar sing dipaèsi ora lumrah iki saka taun 1653.[2]
Gréja iki dirénovasi ing taun 1953–54.[2]
Gréja Alva kalebu Gréja Swèdhen lan dunungé ana ing laladan Kabiskopan Visby.[3]
Gladri
[besut | besut sumber]-
Gereja Alva ing pungkasan abad kaping 19. -
Kursi kutbah saka taun 1740 kanthi lukisan déning Johan H. Dreutz 1746. -
Altar saka taun 1670 déning Jacob Blas. -
Salib kamenangan saka abad 1200. -
Kothak kolèkte saka taun 1730. -
Bak baptis. -
Kothak sakramèn.
Réferènsi
[besut | besut sumber]- ↑ Lindgren, Mereth (1995). Karlsson, Lennart (èd.). Signums svenska konsthistoria: Den romanska konsten . Lund: Signum. kc. 90. ISBN 91-87896-23-0.
- ↑ a b c d Lagerlöf, Erland (1973). Lagerlöf, Erland (èd.). Gotlands kyrkor . Uddevalla: Rabén & Sjögren. kc. 90–92. ISBN 9129410355.
- ↑ "Telefon och adresslista till alla våra 10 pastorat på Gotland" . Diocese of Visby (Church of Sweden). Dibukak ing 24 January 2020.
Wewacan sabanjuré
[besut | besut sumber]- Lagerlöf, Erland (1970). Alva kyrka. Sveriges kyrkor, konsthistoriskt inventarium . Vol. 137. Stockholm: Almqvist & Wiksell. kc. 275–339. ISSN 0284-1894.
Pranala njaba
[besut | besut sumber]
Médhia magepokan Gréja Alva ing Wikimedia Commons
