Gong kemodong
Gong kemodong duwé aran liyan kang rada akèh ya iku gong kemada, gong anggang-anggang, gong genthong, gong jemblok, lan gong jun[1][2][3]. Ricikan gamelan iki lumrah dienggo minangka jejangkep gamelan gadhon. Biasané, waditra/ricikan iki dicawisi siji kanggo rong laras gamelan[1][3]. Rupa gong kemodong iki nganggo rong wilah kang ukurané gedhé minangka sumber muniné. Amarga iku ricikan iki lumebu ing golongan ricikan wilah ageng kang dipepaki pencu kang uga ukurané gedhé. Dhapukan ricikan iki lumebu ing golongan ricikan panandha. Muni ricikan gong kemodong dikasilké nganggo cara nabuh pencu’ne nganggo gada tanggung. Ujung gada mau dipepaki karo iketan tali lan kain saéngga ngebentuk bola bulet. Swara gong kemodong digawé melang-melung lan duwé getar swara kang cukup suwé. Ricikan iki biasané ditemoké ing daérah padésan ing Pulo Jawa minangka jejangkep gamelan prasaja[1].
Rujukan[besut | besut sumber]
- ↑ a b c Palgunadi, Bram (2002). Serat Kandha Karawitan Jawi. Bandung: ITB. kc. 415–417. ISBN 979-9299-71-3.
- ↑ Kunst, Jaap. "Music in Java: Its history, Its Theory and Its Technique". Google Books.
- ↑ a b Bouvier, Hélène. "Lèbur: seni musik dan pertunjukan dalam masyarakat Madura". Google Books.