Girīndrawarddhana
Girīndrawarddhana uga tinulis Girindrawarddhana iku jejuluk tumrap ratu Majapait pungkasan cacah telu. Ratu Majapait cacah telu kang nyandhang jejuluk iku ana: Dyah Wijayakarana, Dyah Ranawijaya, lan Dyah Wijayakusuma. Jejuluk iki kayekti ing Prasasti Waringinpitu mawa taun 1369 Saka (1447 M), sarta Prasasti Ptak (OJO XCI) lan Prasasti Jiwu (OJO XCII-XCV) kang leloroné mawa taun 1408 Saka (1486 M).[1]
Nimpuna Walanda kaya ta Krom, Stutterheim, Schrieke, lan Zoetmulder ngarani yèn ratu cacah telu mau nggatra siji wangsa anyar ing Majapait, ya iku Wangsa Girindrawarddhana lan asalé saka Kadhiri. Minangka siji wangsa, Djafar ngarani yèn wangsa Girindrawarddhana minangka darahing Wangsa Rajasa.[1]
Déning wong padatan, Girindrawarddhana sok digayutaké karo Brawijaya, kang kondhang lan mung ana ing karya-karya sastra Jawa saka jaman Kesultanan Mataram sarta ing carita rakyat.
Réferènsi
[besut | besut sumber]- ↑ a b Djaraf 1977.
Pratélan pustaka
[besut | besut sumber]- Djafar, Hasan (1977). "Girindrawardhana: Raja-Raja Majapahit Akhir". Arkeologi. 1 (1): 42–53.