Gegemplang

Saka Wikipédia Jawa, bauwarna mardika basa Jawa

Gegemplang iku dolanan bocah kang ana ning Banten. Sing dolanan mligi bocah-bocah kang nuturaken basa Jawa Banten[1][2]. Cara dolanan gegemplang iku bocah-bocah kira-kira wolu sampé sepuluh padha ndodok mubeng gawé kaya gelanggang karo nyekel watu cilik kang gedhéné seendhog ayam. Siji bocah siji endhog, nanging kudu ana siji kang gedhé dhèwèk. Bocah-bocak kuwen nembang bebarengan bari ngideraken watuné kang dicekel iku. Watuné si A dipai ning si B, watu si B dipai ning si C, mengkonon seterusé. Aturané ngepai watu iku kudu bareng-bareng sewaktu padha nembang lan ora olih ndhikiti. Sapa baé kang olih watu kang paling gedhé sewisé nembang, bocah kuwen kang dadi rajané. Bocah kang dadi raja iku kudu nembang dhèwèkan, seweruné dhèwèk. Akèhé bocah kang dadi raja iku nembang lagu ronggèng, ana uga kang nembang sekar macapat[1].

Tembang kang ditembangi bareng-bareng contoné:

Gegempalng wohing arén, gelondong wohing penjalin,
umah-umah Banjarkulon, kulon-kulon sekedaton,
kedatoné kupat kuning, kupat kuning kayu andong,
andong kayu ketumpang, ketumpang lalawuh urang,
déning rangda lusuh kembang

Rujukan[besut | besut sumber]

  1. a b Mangun Dikaria, Mas (1914). Dialect Djawa Banten. Batavia: G. Kolff& Co. kc. 53–54.
  2. Iskandarwassid, dkk. (1985). Struktur Bahasa Jawa Dialek Banten. Jakarta: Pusat Pembinaan dan Pengembangan Bahasa Depdikbud. kc. 6–7.