Basa Jawa Banten

Saka Wikipédia Jawa, bauwarna bébas abasa Jawa

Basa Jawa Banten utawa dhialèk Banten iku dhialèk basa Jawa sing mligi dicaturaké ing saloring provinsi Banten, turut pasisir. Miturut sajarahé wiwit dituturaké ing jaman Kasultanan Banten (abad 16). Ing jaman iku, basa Jawa sing dituturaké ing Banten ora ana bedhané karo basa Jawa ing Mataram. Nanging, sawisé iku basa Jawa ing Banten wiwit katon bedané, apa manèh tlatah pinuturé diubengi karo tlatah basa Sundha lan basa Batawi. Cacahé panutur ana sakiwa-tengené 500.000 jiwa.

Basa iki dhadi basa utama ing Kasultanan Banten sing manggon Kedhaton Surosowan, lan uga dhadi basa dina-dinaning warga Banten mligi ing sisih lor lan tlatah kulon Kabupatèn Tangerang.

Dhialèk iki dianggep dhialèk kuna lan akèh persisé karo dhialek Cerbonan sanajan akèh prabawa basa Sundha lan Batawi.

Upami:

  • Aja bribin! (kawacan Aje): Aja ngisruhi!
  • Sire arep mendhi? (sire iku kasar): kowe arep menyang ndhi?
  • Mak lunga jeng Teh Toyah: Emak lunga karo Mbak Toyah