Fiersa Besari

Saka Wikipédia Jawa, bauwarna mardika basa Jawa

Fiersa Besari ya iku penyerat novèl saka Bandung. Fiersa Besari mulané dikenal dadi musisi indie saka Bandung. Dhèwèké ajeg main musik dadi penyanyi band indie post rock Climacteric nganti metuaké album ’11:11’ (2012) lan lanjut 2 album manèh. Tulisan-tulisané Fiersa kerep diunggah menyang donya semu. Masyarakat dadi luwih akèh kenal dhèwèké. April 2013, wong lanang kang kerep diundang “Bung” iku wiwit ngubengi Indonesia. Dhèwèké nyoba golèki jati awaké lan ngertèni teges saka laku. Sasuwéné wolung sasi, Fiersa wiwit jajah saka kutha asalé ing Bandung banjur menyang Sumatera nganti Titik No ing Pulau Sabang.

Wiwit buku ‘Garis Waktu’ diterbitaké dening MèdiaKita (Agromèdia Group), dhèwèké mantep makarya dadi pengripta. “Wiwit saka musik disik, nulis kanggoku ya mung seneng-seneng waé. Ora maca buku nganti édan, nanging saiki aku kerep maca buku,” kandané Fiersa nalika ngéndangi ing kantor detikHOT ing gedung Trans TV, kawasan Tendean, Jakarta Kidul, Senèn (19/2/2018). Saka mlakuné sasuwèwé wolung sasi, pagawéyan maca buku, nyathet utawa nulis, lan clathon karo warga dadi pagawéyan sabendinané. “Wektu iku ya nulis blog nanging nganggo diksi sing rusak banget.” Ukara-ukara kang ditulis dening wong sing ngedekaké komunitas Pecandu Buku iku bisa gawé sing maca ngrasa ora sadar. Ora sembarang ukara-ukara tresna, gampangané tulisané gawa karep kang luwih jero.

Wiwit Sèptèmber 2016 nganti saiki, Fiersa wis nerbitaké telung buku. ‘Garis Waktu’ sing ngamot pikirané bisa payu luwih saka sepuluh èwu cithakan. Buku sing nomer loro ‘Konspirasi Alam Semesta’ diterbitaké nganggo konsèp album buku, lan  ‘Catatan Juang’ sing terusané saka buku sadurungé. Ora akèh penulis anyar ing industri penerbitan buku bisa ngajak pemaos enom. Kasil-kasil sing ditulis Fiersa lan diterbitaké MèdiaKita nyauri iku kabèh. Èditor Penerbit MèdiaKita Juliagar R.N nalika ing kantor detikHOT kandha nalika tengahan 2016 wingi kenal Fiersa saka mèdia sosial lan langsung kepengin ngajak nyambut gawé bareng. “Amarga aku ora sengaja maca tulisané. Durung ngerti musiké nanging maca tulisan sing di-pinnèd ing Twitter, sak tenané seneng banget. Saka kana, aku wiwit maca sing liya-liyané,” kandhané Juli, durung suwé iki. Tulisané uwong kang kerep diceluk Bung iku dianggep gampang, ènthèng, lan bisa ngajak pemaca enom. Nanging isi ing jeroné isih ana kritik sosial lan kahanan wayah iki.

“Kala-mangsa ana penulis sing duwèni tèma temenan nanging tetep gampang dingertèni pemaca enom lan tema-tema Fiersa kaya ngono iku,” tambahé Juli. Saka umur pemaca karyané Fiersa wiwit umur 17 nganti 25 tahun. Nanging, lanjuté Juli, dhèwèké ngrasa akèh pemaca kang umuré luwih saka 25 tahun. “Sing ditindakaké pemaca karyané Fiersa ya iku madakaké karo pemacané. Iku sing pas kanggo awaké dhéwé,” pungkasé.

Fiersa Besari Disèrèt menyang Pengadilan Musik[besut | besut sumber]

Kanggo kepisan, musikus lan sastrawan Fiersa Besari disèrèt menyang Pengadilan Musik Djarum Dot Com (DCDC) kanggo nduduhaké karyané ing ngarepé juri. Sing nyenengaké, Fiersa Besari disèrèt amarga kepengenané nètizen. Sidang sing lumaku sasuwéné rong jam ing Kantinnasion Rumah The Panas Dalam, dalan Ambon, Bandung, Jawa Kulon, Kemis (21/3/2019) bengi. Sidang Pengadilan Musik kaping-31 iki cukup ramé ditekani. Saorané ana 300 wong nonton teka ing aréa sidang. Sidang nekakaké loro jaksa penggugat, ya iku Budi Dalton lan Pidi Baiq. Kursi pembéla dipanggoni déné Yoga (PHB) lan Ruly Cikapudundung. Pengadilan dipimpin déné hakim ya iku Man (Jasad). Lakuné sidang diatur déné Eddi Brokoli dadi panitèra. Tekané jaksa, pembela, lan panitèra cukup gèrèt pamirsa. Gaya Budi Dalton sing kebukak nanging kritis, gawé kahanan sidang luwih dinamis. Fiersa Besari bisa nuduhaké unggulé karyané. “Antusiasme masyarakat cukup apik.

Buktiné wiwit adol tikèt, namung butuh wektu 30 menit, uwis kebak. Akèh sing saka njaba kutha, lan pesen online. Ana sing teka langsung saka Surabaya lan Bali,” maturé Uwie Fitriani. Wakil DCDC Dikki Dwisaptono matur, talent sing saiki ditekaké cukup beda. Dhèwèké nduwèni kaluwihan nerbitaké buku lan album. “Talent iki ora mung panjalukané nètizen, nanging terdakwa nduwèni karya anyar lan patut diadili, amarga karyané pantes nduwèni tanggungjawab. Kita undang musisi iku kang nduwèni karya dhéwé,”  aturé. Lagu-lagu sing uwis direkam yaiku 11:11 uwis entèk ing pasaran. Tahun 2014, rilis manèh Tempat Aku Pulang. Ing tahun 2015, rilis karya album buku judulé Konspirasi Alam Semesta. Album musik iku dibarengaké karo buku. Mawa single andalané, ‘Juara Kedua’, jeneng Fiersa Besari saya kondhang ing donya musik folk Indonesia lan uga donya sastra Indonesia. Dhèwèké ora mandeg kanggo gawé karya-karya anyar, kaya ta buku liyané kang dhèwèké rilis ing tahun 2016 judulé ‘Garis Waktu’. Dingertèni, Pengadilan Musik ya iku salah sawijining program saka DCDC kang sacara ajeg ngundang lan ngrembug matèri-matèri anyar saka band lan musisi independen Lemah Banyu kang ajeg ana ing gawé pakaryan.

Diskografi[besut | besut sumber]

Album[besut | besut sumber]

  • 11:11 (2012)
  • Tempat Aku Pulang (2014)
  • Konspirasi Alam Semesta (2015)

Jalur swara[besut | besut sumber]

Singel[besut | besut sumber]

Judhul Taun Posisi paling dhuwur Album
IDN
[1]
"Tempat Aku Pulang" 2014 Tempat Aku Pulang
"Konspirasi Alam Semesta" 2015 Konspirasi Alam Semesta
"Garis Waktu" 2016 Singel non-album
"Pemeran Pengganti" 2017
"Belum Punah" 2018
"Dirgahayu"
"Obsesi"
"Cerita Panjang Dihidup Yang Singkat"
"Salahkah Mengalah"
"Terima Kasih Dan Maaf"
"Cerita Rakyat"
"Petualangan"
"Pelukku Untuk Pelikmu" 2019 5
"Bukan Lagu Valentine" 2020
"Lekas Pulih"

Buku[besut | besut sumber]

  • Garis Waktu (2016)
  • Konspirasi Alam Semesta (2017)
  • Catatan Juang (2017)
  • Arah Langkah (2018)
  • 11:11 (2018)
  • Tapak Jejak (2019)

Pangaji lan nominasi[besut | besut sumber]

Taun Pangaji Kategori Nomine / karya Asil
2019 IKAPI Awards Rookie of the Year Fiersa Besari Menang
2020 Piala Maya Lagu Tema Terpilih "Pelukku Untuk Pelikmu" Nominasi
Billboard Indonesia Music Awards Top Collaboration Song Of The Year "Waktu Yang Salah" (bersama Thantri Soendari) Nominasi
Top Social Artist Of The Year Fiersa Besari Nominasi
Top Male Singer Of The Year Menang

Rujukan[besut | besut sumber]

  1. Agnes, Tia (2018-02-20). "Perkenalkan Fiersa Besari, Si Penulis Muda dan Musisi Indie dari Bandung."
  2. Agnes, Tia (2018-02-21). "Buku-buku Fiersa Besari Mampu Gaet Pembaca Muda."
  3. Budianto, Arif (2019-03-22). "Permintaan Warganet, Fiersa Besari Diseret ke Pengadilan Musik"
  1. "Billboard Indonesia Top 100". billboardid.com. Billboard Indonesia. Diarsip saka sing asli ing 2020-02-27. Dibukak ing 17 Oktober 2019.