Èpifit

Saka Wikipédia Jawa, bauwarna bébas abasa Jawa
(Dilih saka Epifit)

Tanduran epifit iku tanduran sing numpang ing tanduran liya minangka papan uripé. Jenengé dijupuk saka Basa Yunani: epi-, lumah utawa tutup, lan phyton, tanduran utawa wit.

Béda karo parasit, epifit bisa mandhiri, lepas saka lemah minangka panyangga lan penyedia hara kanggo kauripané, utawa saka hara sing disadiakaké tanduran liya. Banyu dijupuk saka banyu udan, embun, utawa keluk (uwab). Hara mineral dijupuk saka awu utawa asil dekomposisi wit sarta sisa-sisa pérangan tanduran liya sing kaurai. Sanadyan ora "nyolong" hara saka tanduran sing ditumpangi, epifit bisa dadi pesaing tumrap kacukupan cahya. Oyod epifit kadhang-kadhang uga nutupi lan nembus wit sing ditumpangi saéngga ngrusak kaseimbangan fisiologi tanduran inang.

Conto epifit sing populer yakuwi manéka anggrèk, nanas-nanasan (bromeliad), sarta paku-pakuan.