Enting-enting gepuk
 Enting-enting gepuk | |
| Panggonan asal | Indonésia |
|---|---|
| Tlatah utawa praja | kutha Salatiga |
| Woworan pokok | Kacang brol utawa wijèn |
 Buku masakan: Enting-enting gepuk  Médhia: Enting-enting gepuk | |
Enting-enting gepuk ya iku panganan khas saka kutha Salatiga.[1]. Panganan iki mesthi dadi olèh-olèh kang disenengi.[1] Cara gawéné digepuk nganti alus lan kabèh bahan nyampur dadi siji.[1] Banjur dibungkus nganggo kertas lan dhapuré prisma segitiga.[1]
Bahan
[besut | besut sumber]- kacang brol utawa wijèn
- gula
- essence
- banyu
Cara Gawéné
[besut | besut sumber]Sing pisanan kudu milih kacang tanah sing kualitasé apik tenan. Sawisé iku kacang diresiki lan digoreng(disangrai). Sawisé disangrai kacangé iku diilamg kulit ariné. Kacang sing wis resik mau banjur dipilih: separo dadi isi enting-enting lan separo manèh kanggo kulit enting-enting.
Cara gawé kulit
[besut | besut sumber]Pisanan gula,banyu, lan esens digodhok. Sawisé digodhok iku, bakal dadi cuwèran kang kenthel lan wernane coklat. Cairan gula sing wis ngenthel mau banjur dicampur karo kacang jebrol mau. Banjur digepuk nganggo kayu sing sing dhapuré lonjong. Anggoné nggepuk ana ing dhuwur watu ireng kang dhapuré kothak.Amarga digepuk iku mau mula bisa dijenengi enting-enting gepuk. Nalika gawé kulit enting-enting iki kudu rikat, yèn ora adonan dadi adhem lan atos(ora kenyel manèh)
adonan digepuk
[besut | besut sumber]Amarga digepuk iku mau adonan dadi liat. Sawisé iku adonan dipindhahké menyang méja alumunium. Ing méja iku mau adonan lia diwangun dadi dawa banjur tengahé diisi kacang sangria sing digiling.
Nyithak
[besut | besut sumber]Kanggo nyithak enting-enting gepuk, bahan sing wis separo dadi mau banjur dijepit ngganggo papan loro kang ambané kurang luwih 5 cm lan dawané 30 cm. banjur bisa dikasilaké enting-enting kang wujudé prisma segitiga ndawa. Yèn wis ngono, banjur dikethoki dawa-dawa kurang luwih 2,5 cm. Sawisé iku kethokané dibungkus nganggo kertas dadi wujud prismasegitiga.