Embat
Embat ya iku istilah kang ana ning khazanah karawitan Jawa[1]. Istilah iki ateges musyawarah utawa pirembugan[2]. Ing karawitan embat ateges dhuwur andhapé tatanan laras ing sawiji tangga nada ketemtu[3]. Teges liyané gedhé ciliké éwah-éwahan laras karawitan saka penalaan bakuné. Embat uga bisa ateges lengkung, ngelengkung, mèngkal-mèngkol. Embat ing karawitan iku dipandum dadi telung golongan, ya iku[1]:
Embat andhap, ya iku tatanan laras (nada) ing sawiji andha laras (tangga nada) ketemtu ing andhap (isor). Gamelan kang larasé kang ditala ing embat andhap umumé ngasilaké laras-laras kang kerasa andhap lan duwé nges rasa tentrem.
Embat madya ya iku tatanan laras ing sawiji andha laras ketemtu kang ana ing daérah madya (tengah). Gamelan kang larasé ditala ing embat madya ngasilaké kumpulan laras kang kerasa rada dhuwur, anadéné swara kang dikasilaké duwé rasa ramé lan rada gumbira.
Embat inggil ya iku tatanan laras ing sawiji andha laras ketemtu kang ana ing daérah inggil (dhuwur). Gamelan kang larasé ditala ing embat inggil umumé ngasilaké kumpulan laras kang kerasa dhuwur, anadéné swara kang dikasilaké kabéh duwé rasa rame lan gumbira[1].
Rujukan[besut | besut sumber]
- ↑ a b c Palgunadi, Bram (2002). Serat Kandha Karawitan Jawi. Bandung: ITB. kc. 449–450. ISBN 979-9299-71-3.
- ↑ Wojowasito, S. (1977). Kamus Kawi-Indonesia. CV Pengarang. kc. 84.
- ↑ Hastanto, S. (2012). "Konsep Embat Dalam Karawitan Jawa". e-Jurnal ISBI Bandung.