Edvard Munch

Saka Wikipédia Jawa, bauwarna bébas abasa Jawa
Edvard Munch
Edvard Munch 1921.jpg
Edvard Munch ing taun 1921
Lair (1863-12-12)12 Dhésèmber 1863
Ådalsbruk, Løten, Karajan Manunggal Swèdhen lan Nurwègen
Pati 23 Januari 1944(1944-01-23) (umur 80)
Oslo, Nurwègen
Bangsa Nurwègen
Kondhang ing Lukis
Karya kondhang Skirk, Madonna, Det syke barn
Obahan Èksprèsionisme, simbolisme
Wong tuwa(s) Masalah Lua ing package.lua larik 80: module 'Modul:TableTools' not found.

Edvard Munch (basa Nurwègen: [ˈedvɑʈ ˈmuŋk]; 12 Dhésèmber 1863 – 23 Januari 1944) iku juru lukis saka Nurwègen. Lair ing Adalsbruk, dhèwèké kasuwur minangka èksprèsionis (juru lukis ing gagrag èksprèsionisme) sing prigel nglukis bab émosi kaya ta rasa wedi. Panggalihé ing samubarang prakawis mangaribawani tuwuhé gagrag èksprèsionis ing abad kaping 20. Kala samana, wong-wong nganggep cara nglukis kaya mangkono ngedab-edabi. Edvard Munch mono èksprèsionis sing nglairaké sawenèh lukisan kondhang.

Munch duwé sadulur lanang lan wadon cacah papat. Dhèwèké ndhemeni babagan kagunan awit saka nututi lelabuhané ibuné lan saduluré wadon. Nalika umur telulas taun, kawigatèné marang kagunan lukis wiwit thukul. Sunggingané sing wiwitan mung wujud prasaja kaya ta gegambaran ing gendul obat. Ing tembé, dhèwèké baut ing lukisan cèt. Ibuné Edvard séda amarga tuberkulosis ing taun 1868 lan salah siji sadulur wadoné nama Johanne Sophie uga séda amarga nandhang lelara sing padha ing taun 1877.[1] Edvard Munch ana sambung-raketé karo juru lukis nama Jacob Munch lan ahli sajarah nama Peter Andreas Munch.[2]

Ing taun 1879, dhèwèké sinau ana ing pawiyatan luhur tèknik saperlu sinau ngèlmu tèknik. Munch kapétung lantip ing babagan fisika, matematika, lan kimia. Ing kana, dhèwèké uga sinau carané nglukis nganggo pèrspèktif. Sanajan ta mangkono, dhèwèké kerep nandhang lelara saéngga olèhé sinau kaganggu.[3]

 Ing taun 1880, dhèwèké medhot anggoné sekolah saperlu dadi juru lukis. Dhèwèké duwé pamanggih yèn "ing babagan kagunan, aku bakal marsudi saperlu ngertèni tegesing kauripan mliginé kanggo sliraku dhéwé."[3] Dhèwèké nuli sekolah ana ing Royal School of Art and Design of Kristiania. Guruné ya iku juru reca nama Julius Middelthun lan juru lukis gagrag naturalis nama Christian Krohg.[4] Ana ing kono, Munch sinau carané gawé reca lan lukisan naturalis, uga kasil nglairaké lukisan potrèt sing pisanan sing kapétung kondhang, nggambaraké dhèwèké lan bapaké.

Ing taun-taun pamungkasing uripé, Munch urip ijèn ana ing omahé ing Ekely, ing Skøyen, Oslo.[5] Munch séda ana ing omahé rikala 23 Januari 1944, udakara sawulan sawisé dhèwèké ambal warsa kaping 80. Ing wulan Mèi taun 1960, omahé dibungkar.[6]

Sawenèh lukisané[besut | besut sumber]

Cathetan[besut | besut sumber]

  1. ^ Eggum 1984, p. 16
  2. ^ Eggum 1984, p. 15
  3. ^ a b Prideaux 2005, p. 35
  4. ^ Prideaux 2005, p. 41
  5. ^ Prideaux 2005, p. 291
  6. ^ Altern, Arne: Tanker omkring et nedrevet hus. In: St. Hallvard 1961, pp. 5–19.

Rujukan[besut | besut sumber]

Pranala njaba[besut | besut sumber]