Edvard Munch

Saka Wikipédia Jawa, bauwarna bébas abasa Jawa
Edvard Munch ing taun 1921
The Dance of Life, déning Munch ing 1899/1900

Edvard Munch (12 Dhésèmber 1863 – 23 Januari 1944) ya iku pelukis saka Nurwègen lan seniman seni grafis. Dhèwèké lair ing Adalsbruk lan minangka salah sawijining pelukis gagrag ekpresionisme. Dhèwèkè misuwur minangka carané nggambaraké emosi kaya ta rasa wedi. Carané dhèwèké ndelok samubarang mrabawani marang gagrag ekpresionisme ing abad angka 20. Uwong-uwong nganggep cara iki minangka cara sing intens.

Edvard Munch sawijining ekspresionis sing nglukis sawenèh lukisan sing kawentar. Dhèwèké lair tanggal 12 December taun1863. Munch, uwong Nurwègen, duwé sadulur lanang lan wadon cacah papat. Dhèwèké mèlu dadi seniman ing kulawargané, kaya ibuné lan seduluré wadon. Nalika Edvard isih enom, ibuné lan salah sijiné sadulur wadoné tinggal donya. Dhèwèké wiwit seneng seni nalika umur telulas taun. Lukisan sing kawitan sing digawé amung barang sing simpel kaya botol obat. Sawisé dhèwèké lagi wiwit nggawe lukisan ményak.

Ing taun 1879 dhèwèké sinau ana ing pawiyatan luhur teknik, lan ing kana dhèwèké sinau carané nglukis nganggo perspektif.  Nanging, ing taun 1880 dhèwèké ninggal sekolahé saperlu dadi pelukis. Dhèwèké nuli sekolah ana ing Sekolah Seni lan Desain Radya. Ana ing kéné Munch sinau carané gawé reca lan lukisan naturalistik. Lan ing kéné uga dhèwèké nglukis lukisan potrèk pratamané sing paling tunggul, ya iku lukisan citrané dhèwèké lan bapaké.

Munch kerep nandang lara. Akèh ilmuwan sing mikir yèn dhèwèké iku lara bipolar. Munch tinggal donya ana ing omahé ing Oslo.