Direktorat Jenderal Administrasi Hukum Umum Kamentrian Hukum dan HAM Indonesia

Dirjen Adminisrasi hukuk umum

Direktorat Jenderal Administrasi Hukum Umum Kamentrian Hukum dan HAM Indonésia inggih punika salah satungaling unsur pelaksana Kamentrian Hukum dan Hak Asasi Manusia Indonésia ingkang nindakaken fungsi kanggé nyamektakaken kawicaksanan, nindakaken kawicaksanan, ngrumusaken standar, norma, pedoman lan prosedur ing babagan administrasi hukum umum. Lembaga punika dipunpandhegani déning satunggaling Direktur Jenderal Administrasi hukum Umum. Kegiyatan tugas babagan pembinaan taknis operasional pelayanan hukum inggih kados makaten:

1. Mbina lan ngendhalekaken saking lampahing yugas Bale Harta Tilaran ing sadaya laladan ing Indonésia.
2. Paring pertimbangan utawi pamanggih saking masalah ingkang wonten ing babagan hukum perdata umum
3. Nyamektakaken bahan saking penemu hukum (legal opinion) ingkang sampun dipunparingaken
4. Ngrampungaken masalah grasi, amnesti, abolisi lan rehabilitasi
5. Ngrampungaken prosès pengangkatan PPNS
6. Paring pamanggih utawi pertimbangan ngengingi prakawis ing babagan hukum pidana
7. Paring bimbingan lan pertimbangan ngengingi prakawis ing babagan hukum tata nagara

Struktur Organisasi

Sturktur organisasi Direktorat Jenderal Administrasi Hukum kapérang dados enem, inggih punika:

1. Sekretariat direktorat Jenderal;
2. Direktorat Perdata, kanthi tugas ing antawisipun dados badan ingkang ngesahaken badan hukum, kanggé ngrampungaken permohonan pengangkatan; mindhah lan mandhegagen notaris; ngrampungaken legalisasi; ndamel Legal opinion; ngrampungaken permohonan éwah- ewahaning nama; ngrampungaken permohonan ngginakaken ahli hukum warga nagara asing; ngurus harta tilaran; ngurus hartanipun tiyang ingkang dipunkethok bangkrut; paring serat katrangan wasiyat; saha ngrampungaken pendhaftaran Jaminan Fidusia
3. Direktorat Pidana, kanthi tugas ing antawisipun inggih punika kanggé ngrampungaken permohonan pengangkatan Penyidik Pegawai nagari Sipil (PPNS)
4. Direktorat Tata Nagara, kanthi tugas ing antawisipun inggih punika kanggé ngrampungaken permohonan pewarganagaraan RI (naturalisasi)'; pendhaftaran parté pulitik
5. Direktorat Hukum Internasional, kanthi tugasipun ing antawisipun inggih punika: Nindakakne kegiyatan babagan hukum internasional, gadhah peran wonten ing rambagan lan ndhudhah ngengingi materi ing babagan internasional, gadhah peran kanggé pangrembakanipun hukum internasional liwat sosialisasi, lan ndhèrèk gadhah peran wonten ing pangrambagan perundingan perjanjian- perjanjian bilateral, saha paring bimbingan lan pertimbangan ngengingi masalah ing babagan hukum internasional.
6. Direktorat Daktiloskopi, ingkang gadhah tugas ing antawisipun kanggé ngampungaken rumusan lan identifikasi sidik driji tiyang.