Dhempling
Dhempling, kadang-kadang disebuté kadhempling ya iku jinis waditra gambang gangsa kang wilahé digawé sing logam wesi[1]. Jenis ricikan iki ning jaman sekien wis beli lazim dienggo maning minangka kelengkepan gamelan. Dhempling wis keganti karo saron panacah. Waditra iki manjing golonga wilah alit lan swaraé banter kenceng. Pada kaya gambang gangsa, waditra iki kanggo ngolah lan ngasilaken nada-nada céngkok melodi, toli kadang-kadang kanggo nada gendhing[1]. Ana telung macem dhempling taiku dhempling laras slendro, laras pelog bem, lan laras pelog barang[2]. Dhempling ana telung gembyang. Muni nadaé sing wilah nada kang ukurané ora pati amba, nanging cukup kandel lan dawa. Ana ruang gema kang dhapuré kotak kanggo nambahi kenceng swaraé[1].