Dhawet ireng

Saka Wikipédia Jawa, bauwarna mardika basa Jawa

Dhawet Ireng inggih punika salah satunggaling jinising dhawet. Dhawet ireng punika umben-umbenan asli saking tlatah Butuh, Purworejo, Jawa Tengah. Nama dhawet ireng punika asalipun saking warninipun dhawet ingkang cemeng. Werni cemeng dhawet punika kaasilaken saking awu obonganipun damen. Awu bakaran damen puniak dipuncampur kaliyan toya saéngga ngasilaké warni item, toya punika dipun-ginakaken kanggé pewarni alami dhawet.[1] Sakjatosipun dhawet ireng boten wonten bedanipun kaliyan dhawet ijo.[1] Cara nyajiake ugi sami, wonten ing mangkok ingkang dipunjengkapi kaliyan santan lan gendhis jawi. Ingkang nyebabake bènten inggih punika warni cemeng ingkang sanget.[1]

Faedahipun Dhawet Ireng[besut | besut sumber]

Faedahipun dhawet ireng punika inggih saged ngredaaken panas dalam lan nglancaraken pencernaanipun.[1]

Caranipun Damel Dhawet Ireng[besut | besut sumber]

Bahanipun Dhawet:

50 gram glepung sagu

60 gram glepung beras

600 ml toya

1 sendhok teh uyah

1 1/2 sendhok makan (3 gram) awu merang lan 50 ml banyu, dipunlarutaken, lajeng dipunsaring

1 sendhok uyah

Bahanipun Sirup:

250 gram gendhis jawi, dipunsisir

2 lembar godhong pandan

250 ml toya

1/4 sendhok teh uyah

3 buah nangka, dipuniris-iris

Bahanipun Kuah Santen:

500 ml santen saking 1/2 butir klapa

2 lembar godhong pandan

Bahan ingkang njangkepi:

1/2 sendhok teh uyah

2 lembar godhong pandan

Caranipun ngolah:

Cendol

Larutaken glepung beras, glepung sagu , toya, toya awu merang, uyah. Masak sinambi diupunudhek-udhek dumugi mateng lan kenthel. Paringake adhonan punika wonten ing cetakan cendhol. Pejet cetakan punika wonten ing dhuwur baskom ingkang isinipun toya es, lajeng saring cendolipun.

Sirup

Masak ngginakaken geni alit, gendhis jawi, toya, godhong pandan, lan uyah dumugi kenthel. lajeng dipuntambahi nangka. udhek ngantos rata.

Kuah santan

Masak kuahipun santen punika kanthi dipunudhek-udhek dumugi mateng.

Sajiaken cendol punika kaliyan sirup, kuah santen lan es serut.[2]

Cathetan suku[besut | besut sumber]

  1. a b c d [1][pranala mati permanèn] (diakses tanggal 23 September 2012)
  2. [2] Archived 2016-03-09 at the Wayback Machine. (diakses tanggal 22 September 2012)