DR Séri 130

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Lokomotif diesel DR Séri 130 (DB AG: 230), séri 131 (231), séri 132 (232, 233, 234, 241 lan 754) lan séri 142 (242) iku sawijining lokomotif darbéné Deutsche Reichsbahn utawa Jawatan Sepur Jerman Wétan lan sawisé taun 1994 dadi darbéné Deutsche Bahn. Lokomotif iki wiwit taun 1970 diimpor saka Uni Sovyèt lan kusus diproduksi kanggo pasaran Jerman Wétan. Déning Deutsche Reichsbahn, lokomotif iki banjur dienggo kanggo kaperlon lalu lintas panumpang lan barang amotan. Prototipe lokomotif iki ditepungaké marang publik minangka V 300 ing bursa Leipziger Messe.

Séri iki antara taun 1970 lan 1982 diproduksi lan persisé 873 iji dikaryakaké. Lokomotif iki ndarbèni peparab Ludmilla. Kadhangkala lokomotif iki uga diarani Taigatrommel ('kothak blèk saka taiga'), nanging jeneng iki luput amerga jeneng iki sajatiné peparabé lokomotif séri V200. Saiki namung lokomotif séri 132 waé sing isih dienggo.

Latar wuri[sunting | sunting sumber]

Ing dasawarsa 1960-an, Deutsche Reichsbahn kepénging ngembangaé jaringan sepur ing Jerman Wétan supaya kinerjané dhuwur. Lokomotief setum utawa kréta latu saka jaman sadhurungé perang, arep diganti kabèh. Nanging èlèktrifikasi sawetara jaringan sepur ing Jerman Wétan mandheg. Saliyané iku Jerman Wétan bisa olèh bahan bakar solar sacara murah saka Uni Sovyèt. Mula diputusaké supaya nerapaké lokomotif tenaga diesel waé lan dudu listrik. Saliyané iku wis diputusaké déning para anggota COMECON menawa ing Jerman Wétan ora olèh diprodhuksi lokomotif diesel gedhé. Prodhuksi lokomotif diesel gedhé ditandhesaké dianakaké ing Voroshilovgrad, Ukraina waé.

Sumber artikel punika saking kaca situs web: "http://jv.wikipedia.org/w/index.php?title=DR_Séri_130&oldid=867136"