Bumi Mania

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Bumi Mania (dicekak BM) utawa Kebumen Militan Suporter iku jeneng paguyuban sing nyengkuyung pakumpulan bal-balan Persak Kebumèn. Bumi Mania kawujud taun 2012 sing ancasé nguripaké manèh bal-balan lokal Kabupatèn Kebumèn sing kala iku dianggep mati.[1]

Latar wuri[besut | besut sumber]

Persak Kebumèn minangka pakumpulan bal-balan ing Kabupatèn Kebumèn langka préstasi lan arang main. Kaanan iki sangsaya ndadi nalika Setadhion Candradimuka, minangka pakalangané Persak Kebumèn, alih guna dadi pasar sawetarané awit Pasar Tumenggungan tembé dianyari ing taun 2012.[1]

Ing wewengkon Kebumèn dhéwé, sawenèh paguyuban sing nyengkuyung pakumpulan bal-balan njaba malah ana. Ana kaya ta Aremania Kebumen, Viking Kebumen, Jakebument, lan Slemania Kebumen. Éwadéné, nganti taun 2012 durung ana paguyuban sing nyengkuyung bal-balan lokal Kebumèn.[1]

Ancas[besut | besut sumber]

Bumi Mania dadi siji-sijiné paguyuban sing ndhesek DPRD Kebumèn lan péhak swasta saperlu nyengkuyung yasané manèh Persak Kebumèn. Ancasé Persak Kebumèn saora-orané bisa mlebu Divisi III lan sangsaya mundhak préstasiné, déné tundhoné bisa dadi ikon Kabupatèn Kebumèn.[1]

Cathetan sikil[besut | besut sumber]

Rujukan[besut | besut sumber]