Budiman Elkana
Boen Fat Po utawa Budiman Elkana yaiku akuntan, lair ing Sungailiat, Bangka tanggal 27 Agustus 1930 lan sedha ing Jakarta tanggal 27 Mei 2007. Lair saka generasi ka-8 wiwit nalika leluhuré pindah ing pulo Bangka. Sekolah ing HCS nanging pindah amèrga Perang Dunia II, terus pindah ing Chung Hwa School nganti kelas 1 SMP.[1]
Dhèwèke lêlayaran menyang Jakarta sawisé lulus saka SMP THHK taun 1950, banjur ngèlanjutké sekolah ning SMA Tionghoa Hwee Koan taun 1953. Dhèwèke dadi guru ekonomi lan tatabuku ning THHK nyambi nyambutgawe ning Kantor Akuntan Oei Kwie Tek lan The Oen Leng. Banjur ngèlanjutké nyambutgawe ning Direktorat Akuntansi Negara taun 1961-1967, nyambi ngajar ning Sekolah Tinggi Keuangan Negara (STIKN), FE Universitas Tarumanagara lan Universitas Katolik Atmajaya.
Gabung karo Drs. Utomo Jusodirdjo kanggo ngurusi kantor konsultan SGV group. SGV group malih jeneng dadi Arthur Anderson Consulting lan Budiman dadi manager partner. Dhèwèke oléh gelar "The Father of Anderson Consulting of Indonesia" ngantik pénsiun taun 1992. Dhèwèke mêmpêng ning Rotary Club, Ikindo, lan BBSA bulutangkis. Budiman Elkana dadi Anggota Dewan Pembina Universitas Tarumanagara, Jakarta.
Pawiyatan
[besut | besut sumber]- HCS
- Chung Hwa School
- SMP THHK
- SMA Tionghoa Hwee Koan
- FEUI
Pakaryan
[besut | besut sumber]- Akuntan
- Guru Ekonomi lan tatabuku
- Manager partner ing Arthur Anderson Consulting
Organisasi
[besut | besut sumber]- Rotary Club
- Ikindo
- BBSA bulutangkis
Kapustakan
[besut | besut sumber]- ↑ Satyautama, Sam (2008). Tokoh-Tokoh Etnis Tionghoa di Indonesia. Jakarta: Kepustakaan Populer Gramedia lan Chen Xingchu Foundation. ISBN 978-979-91-0126-6.