Budaya (kalawarti)
Budaya (ejaan lawas: Boedaja) ya iku kalawarti kang dibabar Jawatan Kabudayaan Pusat Departemen Kebudayaan pusat Departemen PDK, Urusan Kesenian, Yogyakarta.[1] Babar sepisanan ing sasi Fèbruari 1953.[1] Motivasiné ya iku pepinginan wong-wong kang ngrembakakaké rasa kamanungsan, kamardikan lan paseduluran kanggo ndandani kaanan masarakat kang kélangan kepribadhian supaya tumindhak selaras, rasional.[1] Sesebarané nyakup tingkat nasional.[1] Redhaksiné ya iku Adiatmo Hardjoputro, Soeroso, Koesnadi, Kirdjomuljo, Nasjah Djamin, lan Lukman Effendi; banjur ketambahan Koesnadi, Motinggo Boesje, Idrus Ismail, lan Mat Dhelan.[1] Kalawarti iki pungkasan babar 32 nomer ing sasi Fèbruari 1963.[1]
Kalawarti iki duwé peran wigati ana kasusastran Indonesia amarga ngemot karya sastra kanthi rutin lan nyedhiakake ruwang mirunggan kasusastran. Edhitor kasusastrane ya iku Nasjah Djamin lan Motinggo Boesje.