Basa Prancis Switserlan

Saka Wikipédia Jawa, bauwarna mardika basa Jawa
Menyang navigasi Menyang panggolèkan

Basa Prancis Switserlan (Prancis Suisse Romand) iku variétas basa Prancis sing dipituturaké ing Switserlan lan diarani Romandie. Basa Prancis iku séjé saka basa Prancis-Provençal/Arpitan sing uga dipituturaké ing Romandie lan Basa Romansh sing dipituturaké ing Grisons. Kaloro basa pungkasan iki uga basa Roman.

Prabédan antara Basa Prancis Switserlan lan Basa Prancis dialèk Paris iku sethithik lan racaké namung ing tingkat kosakata waé. Sawijining Wong Switserlan ora olèh masalah manawa kudu guneman karo Wong Paris. Nanging kosokbaliné, manawa Wong Paris guneman karo Wong Switserlan ana sawatara tembung-tembung sing ora ditepungi. Banjur Basa Prancis Switserlan iku ndarbèni èfèk ‘nyanyi’ lir ditembangaké. Basa Prancis Switserlan iku prabédané luwih sithik saka Basa Prancis Paris manawa dibandhingaké karo Basa Jerman Switserlan lan Basa Jerman Baku.

Ing Switserlan ora ana Basa Prancis Switserlan tunggal sing baku nanging saben kanton utawa malahan kutha ndarbèni dialèk dhéwé-dhéwé utawa nganggo kosakata dhéwé sing akèhé dipangaribawani Basa Jerman. Awit ing Switserlan iku Basa Jerman basa mayoritas. Ing Jenewa akèh tetembungan saka Basa Prancis Baku amarga papané ing tapel wates.