Basa Armèni

Saka Wikipédia Jawa, bauwarna bébas abasa Jawa
(Dilih saka Basa Arménia)

Basa Armèni (հայերեն լեզու, IPA: [hajɛɹɛn lɛzu] — hayeren lezow, utawa dicekak dadi hayeren) iku basa Indo-Éropah sing dipituturaké déning wong Armèni. Basa iki basa resmi ing Armèni lan uga Nagorno-Karabakh (sawijining republik sing umadeg kanthi de facto nanging kanthi de-jure péranganing Azerbaijan). Basa iki nduwé aksara dhéwé sing diarani Aksara Armèni.

Para ahli basa racaké ngeklasifikasi basa Armèni minangka cabang dhéwé saka basa Indo-Éropah.[1] Nanging sawetara ahli basa Indo-Éropah kaya ta Clackson (1994), nduwé gagasan yèn basa Armèni bisa diklompokaké karo cabang basa Yunani. Gagasan iki diarani hipotésis Yunani-Armèni (basa Inggris: Graeco-Armènin Hypothesis), sing dikombinasi mawa hipotésis basa Yunani-Arya Renfrew, Clackson lan Fortson 1994).

Conto Basa Armèni[besut | besut sumber]

Sawijining ukara ing basa Armèni mawa pertalané ing basa Jawa. Conto iki ya iku donga Kanjeng Rama agama Kristen:

  • Basa Armèni: Hayr / mer / or / erkins:/ surb /elici / anun /k’o. Ekesce / ark’ayut / ‘iwn / k’o. Elicin / kamk’ / k’o / orpes / erkins / ew / erki.
  • Basa Jawa: Rama / kita / sing / ing-sorga:/ suci / dadi / Asma /panjenengan. / Rawuha / karajan / panjenengan. / Dadosa / Karsa / panjenengan / ing-sorga / lan / ing-bumi.
  • "Kanjeng Rama ing swarga, Mugi Asma Dalem kaluhurna. Kraton Dalem kawiyarna. Ing donya inggih kalampahana Karsa Dalem kados ing swarga."

Cathetan sikil[besut | besut sumber]