Bank Invèstasi Infrastruktur Asia
Bank Invèstasi Infrastruktur Asia utawa Asian Infrastructure Investment Bank (AIIB) iku bebadan kahartakan internasional sing nduwé kawigatèn nyengkuyung binanguné infrastruktur ing wewengkon Asia-Pasifik. Bank iki diprakarsani pamaréntah Cina[1] lan disengkuyung déning 37 anggota sawewengkon saha 20 anggota jaba-wewengkon sing padha kalebu ing Anggota Pangadeg Prospèktif utawa Prospective Founding Members (PFM). Kabèh péhak iki wis nandhatangani Pasal Kasaguhan sing dadi dhasar ukum tumrap pangadegé bank iki. Bank iki wiwit urip sawisé layang kasaguhané iku wiwit lumaku sarana diratifikasi 10 nagara anggota mawa gunggung 50% tukon wiwitan Saham Modhal Dhasar.[2] Surya 25 Dèsèmber 2015, 17 nagara (Australia, Ostenrik, Brunéi, Cina, Géorgia, Jerman, Yordania, Luxembourg, Mongolia, Myanmar, Walanda, Niu Selan, Nurwègen, Pakistan, Singapura, Koréa Kidul, lan Britania Raya) digunggung nyekel 50.1% tukon wiwitan Saham Modhal Dhasar. Bebarengan nagara-nagara iki manjeri piranti ratifikasi kanggo kasaguhan, ndadèkaké nagara-nagara iki minangka anggota pangadeg[3] lan nglantari wiwit lumakuné Pasal Kasaguhan, minangka piagem bank. Nagara Ruslan banjur gabung ngundhakaké gunggung Saham Modhal Dhasar sing dicekel para anggota bank dadi 56.8%. Nagara mawa ékonomi gedhé sing ora mèlu PFM kalebu Amérikah Sarékat, Jepang, lan Kanadha.
Pasarékatan Bangsa-Bangsa nyebut paluncuré AIIB "ngundhakaké pambéya kanggo pambangunan sinambungan"[4] saperlu nggepok tata-praja ékonomi donya.[5] Modhal bank ya iku $100 milyar, padha karo 2⁄3 modhal Bank Pambangunan Asia, sing diatur saka Tokyo lan kantor punjeré ing Manila, lan udakara saparoné modhal Bank Donya.[6]
Bank iki diusulaké déning Cina taun 2013[7] lan prakarsané diluncuraké sajeroning sawiji upacara ing Beijing rikala Oktober 2014.[8]
Rujukan
[besut | besut sumber]- ↑ "21 Asian countries sign MOU on establishing Asian Infrastructure Investment Bank".
- ↑ "Asian Infrastructure Investment Bank – Articles of Agreement" (PDF).
- ↑ "Articles of Agreement of the Asian Infrastructure Investment Bank".
- ↑ "World Economic Situation and Prospects 2015" (PDF).
- ↑ United Nations Financing for Development Office.
- ↑ "The Economist explains".
- ↑ "China says new bank to complement existing institutions".
- ↑ "Three major nations absent as China launches World Bank rival in Asia".