Badan Penelitian dan Pengembangan Hak Asasi Manusia

Saka Wikipédia Jawa, bauwarna mardika basa Jawa
Gedung Balitbang HAM

Badan Penelitian dan Pengembangan Hak Asasi Manusia ingkang asring dipuncekak kanthi nama Balitbang HAM inggih punika salah satunggaling unsur ingkang mbiyantu lampahing tugas pokok Kamentrian Hukum dan Hak Asasi Manusia Indonesia ing babagan panalitèn lan pangrembakaning Hak Asasi Manusia ingkang gadhah tanggel jawab dhateng Mantri Hukum dan HAM. Badan panaliten lan pangrembakaning Hak Asasi Manusia ingkang gadhah tugas kanggé nindakaken panaliten lan pangrambakaning Hak Asasi Manusia kanthi fungsi kados makaten:[1]

  1. Ngrumusaken rekomendasi kawicaksanan asiling panaliten lan pangrembakaning HAM
  2. Ngrumusaken standar, norma, pedoman, kriteria, lan prosesdur kanggé majengaken, negakaken, njangkepi, nglindhungi, lan ngurmati HAM
  3. Ngrumusaken rekomendasi kawicaksanaan harmonisasi peraturan perundhang- undhangan wonten ing perspektif HAM
  4. Ngrumusaken kawicaksanan teknis ngginakaken tèknologi lan informasi ingkang wonten gegayutanipun kanthi cara majengaken, negakaken, njangkepi, nglindhungi lan ngurmati HAM
  5. Paring bimbingan tenis lan evaluasi
  6. Nindakaken koordinasi program kerja sama HAM kaliyan instansi' lembaga saé punika ing lebet nagari utawi ing manca nagari
  7. Nindakaken pembinaan administrasi dhateng sadaya unsur ing lingkungan Badan Panaliten lan Pangrembakaning Hak Asasi Manusia

Visi lan Misi [2][besut | besut sumber]

Visi[besut | besut sumber]

Masarakat saged pikantuk pepesthèn hukum

Misi[besut | besut sumber]

Nglindhungi Hak Asasi Manusia

Tata Aji[besut | besut sumber]

  1. Kapentingan masarakat
  2. Integritas
  3. Responsif
  4. Akuntabel
  5. Profesional

Struktur Organisasi[besut | besut sumber]

Balitbang HAM kapérang dados gangsal, inggih punika;[3]

  1. Sekretariat Badan, ingkang gadhah tugas kanggé paring layanan teknis lan administratip dhateng sadaya ékan organisasi ing lingkungan Balitbang HAM kanthi ngawontenaken fungsi ing antawisipun inggih punika nindakaken koordinasi lan nyusun rencana, program, lan anggaran; ngemunah urusan kepegawaian; ngemunah urusan kauangan; nindakaken urusan gayutan masarakat lan informasi; nindakaken panyusunan organisasi lan ketataleksanan saha evaluasi lan nyusun laporan Balitbang HAM; saha ngemunah urusan umum
  2. Pusat Penelitian dan Pengembangan Hak- hak Ékonomi, Sosial dan Budaya, ingkang gadhah tugas nindakaken panaliten lan pangrembakaning hak- hak sipil lan pulitik kados kawicaksanan ingkang sampun dipuntemtokaken déning Kepala Balitbang HAM kanthi nindakaken fungsi ing antawisipun inggih punika nyamektakaken anggènipun nyusun kawicaksanan teknis, rencana lan program ing babagan panaliten lan pangrembakaning hak- hak sipil lan pulitik; nyamektakaken bahan rumusan rekomendasi kawicaksanan asiling pnliten, pangrembakaning lan evaluasi; nyamektakaken bahan rumusan rancangan kawicaksanan, standar, pedoman lan prosedur kanggé nglindhungi, ngurmati, lan njangkepi Hak Asasi Manusia; nyusun pratélan inventarisasi prakawis, verifikasi, data lan informasi kanggé publikasi lan sosialisasi, lan sapanunggalanipun.
  3. Pusat Penelitian dan Pengembangan Hak- hak Ékonomi, Sosial dan Budaya, ingkang gadhah tugas kanggé nindakaken panaliten lan pangrambakaning hak- hak ékonomi, sosial, lan budaya miturut kawicaksanan ingkang sampun dipuntemtokaken déning KEpala Balitbang HAM, kanthi nindakaken fungsiing antawisipun inggih punika kanggé nyamektakaken sadaya ingkang badhé dipunsusun bab kawicaksanan teknis, rancana lan program ing babagan panalitèn lan pangrembakaning hak- hak ékonomi, sosial lan budaya; nyamektakaken bahan rumusan rekomendasi kawicaksanan asiling panaliten, pangrembakanipun saha evaluasi; nyamektakaken bahan rumusan rancangan kawicaksanan, standar, pedoman lan prosedur kanggé nglindhungi, ngurmati lan njangkepi Hak Asasi Manusia; nyusun pratélan inventarisasi prakawis, verifikasi, data lan informasi kanggé publikasi lan sosialisasi, lan sapanunggalanipun.
  4. Pusat Penelitian dan Pengembangan Transformasi Konflik, ingkang gadhah tugas kanggé nindakaken panaliten lan pangrembakaning transformasi konflik kados kawicaksanan ingkang sampun dipuntemtokaken déning Kepala Balitbang HAM.
  5. Pusat Penelitian dan Pengembangan Hak-hak Kelompok Khusus, ingkang gadhah tugas kanggé nindakaken panaliten lan pangrembakaning hak- hak kelompok mirunggan kados kawicaksanan ingkang sampun dipuntemtokaken déning Kepala Balibang HAM.

Cathetan suku[besut | besut sumber]

  1. ↑ Tugas dan Fungsi Archived 2016-03-04 at the Wayback Machine. (dipunundhuh tanggal 31 Januari 2013)
  2. ↑ VISI, MISI DAN TATA NILAI KEMENTERIAN HUKUM DAN HAK ASASI MANUSIA Archived 2016-03-04 at the Wayback Machine. (dipunundhuh tanggal 31 Januari 2013)
  3. ↑ Peraturan Mantri Hukum dan HAM Republik Indonesia Nomor: M.HH-05.OT.01.01 Tahun 2010
Dijupuk saka "https://jv.wikipedia.org/w/index.php?title=Badan_Penelitian_dan_Pengembangan_Hak_Asasi_Manusia&oldid=1655089"