Arkana Minor

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Arkana Minor  kuwi cacahé ana 56 saka 78 kertu tarot. Arkana minor dibagi manèh papat golongan sing jumlahé 14. Masiya akèh variasiné, lumrahé kertu iki nggunakaké jinis Italo-Spanyol: Sada lanang (bisa diganti, tongkat cilik, gada, utawa baton), cangkir, pedhang, lan cupumanik (bisa diganti, koin, utawa cincin). Walikané sing jinis Prancis kuwi ngganggo cengkèh (♣), hati (♥), godhong (♠), lan wajik (♦).

Saben kertu Arkana Minor dinoméri siji (as) nganti sepuluh, kajaba kertu kraton (court cards)—dhayang (page/knaves), ksatriya (knights), praméswari (queen), lan raja (king). Ing salah siji jinis, kertu putri lan pangéran dinggo ganti kertu dhayang lan ksatriya. Ana tambahan liyané ning jinis kertu Italia, ditambahi rong kertu, ya iku kertu: prawan (the maid) lan nyonyah (mounted lady).

Mergo ning racaké kertu Rèmi Prancis ngganti kertu ksatriya lan dhayang dadi jack utawa wadung, jumlahé ana 52. Turahané sing cacahé 22 iku diarani Arkana Mayor. Yén digunakaké kanggo ngramal, Arkana Mayor kuwi luwih nduwéni bobot; lumrahé, Arkana Mayor makili babagan owah-owahan sing wigati, Arkana Minor makili kagiyatan ing dina-dina.[1]

Arkana Minor ning kumpulan kertu anyar kuwi lumrahé wis ana ilustrasiné—diwiwiti kertu Tarot Rider-Waite sing dicithak taun 1910. Kertu sing ora ana ilustrasiné lumrahé digawé saka susunan simetris gambar sik makili papat jinis mau.

Cathetan[besut | besut sumber]

  1. "The Minor Arcana Tarot Cards". Tarot.com. Retrieved 11 December 2014.

Rujukan[besut | besut sumber]

  • Dee, Jonathan (2002). Introduction to the Minor Arcana. Silverdale Books. ISBN 1-85605-685-6.
  • Waite, Arthur Edward (2004). Pictorial Key to the Tarot. York Beach, Red Weel/Weiser. ISBN 0-87728-218-8.

Pranala njaba[besut | besut sumber]

Médhia magepokan Minor Arcana ing Wikimedia Commons