Anjar Ani

Saka Wikipédia Jawa, bauwarna mardika basa Jawa

Anjar Ani (lair ing Ponorogo 3 Maret 1936) ya iku komponis moncèr. Piyambaké pernah dadi wartawan, juru ngripta cerita lan dadi paraga ing sinétron Saur Sepuh.[1] Piyambake nduwé tokoh idhola juru ngarang lagu sing mbiyèn tau ngajari piyambaké ya iku Bapak Sapari, uwong sing mempeng ngripta ing babagan lagu. Piyambake percaya yèn urip iki kudu pasrah kalih sing Maha Kuwaos saengga bisa nglakoni urip kanthi becik.

Karya-karyane[besut | besut sumber]

lagu-lagune kang mucèr ya iku Yen in Tawang, Jangkrik Genggong, Enthit, Iki Dhuwekke Sapa, Sri Kelono Sewandono, Geger Ponorogo, Ronggowarsito Apa Yang Terjadi

lan Jangka Jayabaya lsp.[1]

Pawiyatan[besut | besut sumber]

Sekolah Dasar ing Purwantoro, Wonogiri. Durung nganti lulus piyambaké pindhah menyang Ponorogo lan ning kutha iki piyambaké ngrampungaké Sekolah Dasaré ing taun 1950. Banjur piyambaké pindhah meneh ing Madiun lan Sekolah Menengah Pertamane dirampungake ing kutha iki taun 1953. Banjur nglanjutake ing Sekolah Menengah Ata ing kutha sing padha ananging sakdurungé lulus piyambaké pindhah manèh ing Solo lan ing kutha iki piyambaké ngrampungaké sekolahé ing taun 1956.

Pangaji[besut | besut sumber]

Piyambaké éntuk pangaji saka MURI (2004) minangka pangarang lagu sing asring gawé lagu akèh. Piyambaké uga éntuk pangaji saka RANCAGE Jakarta 1998 minangka juru ngripta sastra Jawa lan pangaji saka SIWO PWI Pusat (Sèksi Wartawan Olahraga Persatuan Wartawan Indonesia).[2] Sak liyané pangaji saka MURI lan RANCAGE, sak durungé kuwi piyambaké éntuk pangaji saka PJKT (Pusat Kesenian Jawa Tengah) ing Bidang Lirik lan Lagu Langgam Jawa, Komponis paling apik lan Pangarah Musik Keroncong paling apik, Budaya Bhakti Upapradana ing bidang kesustraan Jawa, SIWO PWI Pusat ing bidang jurnalistik, Juara lomba Cipta Lagu Pop Daérah RRI-TVRI TIngkat Jawa Tengah lan Lencana Keluarga Berencana.[1]

Rujukan[besut | besut sumber]

  1. a b c Rochadi DS, Sri, èd. (2005). Mini Biografi Sejumlah Tokoh dan Eksekutif Wong Solo. Semarang: Citra Alumni Perkasa. kc. 15–17.
  2. "Persatuan Wartawan Indonesia - SIWO PWI Tidak Bermotif Terselubung di KSN". pwi.or.id (ing basa Indonesia). Diarsip saka sing asli ing 2016-12-27. Dibukak ing 2018-04-14.