Amanda Lee (pilot)
Amanda Lee (lair kurang luwih taun 1986) iku pilot angkatan laut Amérika Sarékat. Dhèwèké dipilih ing sasi Juni 2022 minangka pilot wanita kapisan ing skadron élit Blue Angels.[1] Dhèwèké mabur minangka pilot demo Swiwi Kiwa (Left Wing) ing tanggal 11 Maret 2023 ing El Centro, California. Awaké nduwé jeneng peparab (call sign) "Stalin".[2]
Urip awal[besut | besut sumber]
Lee asalé saka Mounds View, Minnesota, lan ing taun 2004 lulus saka sekolah SMA Irondale ing Minnesota. Nalika isih sekolah awaké mèlu nglakoni sawetara werna olah raga: hoki ès, bal-balan, lan nglangi.[3] Sawisé iku dhèwèké kuliah ing Univèrsitas Minnesota Duluth lan nggabung karo Angkatan Laut Amérika Sarékat. Ing taun 2007 dhèwèké lulus saka Recruit Training Command, Great Lakes, Illinois.[4] Ing taun 2013 dhèwèké lulus saka Univèrsitas Old Dominion mawa gelar B.S. ing biokimia.[5][6]
Karièr[besut | besut sumber]
Sawisé ndaptar ing Angkatan Laut AS, Lee banjur nyambut gawé minangka juru tèknis listrik pamaburan.[6] Ing taun 2013 awaké dadi perwira lan miwiti latihan minangka pilot AL ing Naval Air Station Pensacola ing Florida.[7][2] Ing taun 2016, awaké dadi juru mabur AL.[6] Banjur dhèwèké ditutus ing kapal indhuk USS Harry S. Truman kanggo nyengkuyung Operasi Inherent Resolve.[8] Minangka bagéan saka latihané, dhèwèké bisa kasil ngrampungi pandharatan ing kapal indhuk nganti 225 cacahé lan jam mabur 1.400 jam.[3] Dhèwèké ndarbèni patang medali AL lan sawetara pamemulé liyané.[3]
Blue Angels[besut | besut sumber]
Ing sasi Juli 2022, Lètnan Lee diwara-warakaké minangka wanita kapisan sing nggabung karo Blue Angels minangka pilot démonstrasi.[4][9] Ing Sèptèmber 2022 dhèwèké ditugasi mèlu grup "Gladiators" ing skadron Strike Fighter Squadron (VFA) 106, sing ndarbèni markas ing Naval Air Station Oceana ing Virginia.[10][2] Awaké maburaké montor mabur F/A-18E lan the F/A-18F Super Hornet.[7]
Pentas pungkasan Lee minangka pilot démo Swiwi Kiwa kedadéan ing surya 11 Maret 2023 ing El Centro, California.[2] Awaké uga pentas ing ngarepé sakiwa-tengené 100.000 wong ing Pagelaran Udara MCAS Beaufort ing tanggal 22 lan 23 Mèi 2023. Awaké disuraki ing loro dina iki nalika mènèk munggah ing kokpité montor maburé sing nduwé nomer telu.[11]
Gladri foto[besut | besut sumber]
-
Amanda "Stalin" Lee mabur ing formasi 2022 -
Lt. Amanda Lee pentas minangka anggota Tim Démo Rhino 2022 -
Amanda Lee ngawé-awé saka kokpit montor maburé Super Hornet 2023 -
Amanda Lee siap tinggal landhas ing taun 2023 -
Lt. Amanda Lee bebèrès kanggo tinggal landhas sadurungé pamaburan latihan sadhuwuré Fasilitas Udara AL ing El Centro (Maret 2023) -
Lee latihan ing Naval Air Station Point Mugu tanggal 16 Maret 2023
Sumber[besut | besut sumber]
- ↑ Pilot wanita kapisan sing nggabung karo Blue Angels iku Kaptèn Katie Higgins ing taun 2015, dhèwèké maburaké montor mabur transportasi C-130 Fat Albert.
- ↑ a b c d De Herrera, Alan (March 30, 2023). "Historic season begins! Blue Angels pilot Amanda Lee takes to the sky". Pensacola News Journal. USA Today. Dibukak ing May 25, 2023.
- ↑ a b c "#3 LT Amanda Lee – USN – Left Wing" (PDF). Blue Angels. U.S. Navy Blue Angels. Dibukak ing May 25, 2023.
- ↑ a b "Blue Angels name first woman to serve as demonstration pilot". USA Today. July 18, 2022.
- ↑ "Blue Angels name first woman to join iconic flight squadron as a pilot". CBS News. Associated Press. July 19, 2022. Dibukak ing May 25, 2023.
- ↑ a b c Beachum, Lateshia (July 18, 2022). "Blue Angels name first woman demonstration pilot". The Washington Post. Dibukak ing May 25, 2023.
- ↑ a b Mongilio, Heather (July 18, 2022). "Blue Angels Announces First Female Jet Pilot". U.S. Naval Institute. Dibukak ing May 25, 2023.
- ↑ "Pilot Makes History". Florida Today. July 20, 2022. Dibukak ing May 26, 2023.
- ↑ Martinez, Luis (July 19, 2022). "Navy's Blue Angels to get 1st female demonstration team pilot: Lt. Amanda Lee will soon train for the 2023 air show season". abcnews. Dibukak ing August 22, 2022.
- ↑ Ibberson, Stuart (March 8, 2023). "Women's History Month – US Navy Blue Angels selects first female demo pilot". Aerotech News. Dibukak ing May 25, 2023.
- ↑ Earley, Delayna; Sofaly, Bob (April 26, 2023). "Back in Blue". The Island News. Dibukak ing May 26, 2023.
Pranala njaba[besut | besut sumber]
 |
Wikimedia Commons duwé médhia ngenani Amanda Lee (pilot). |