Abadi (kalawarti)
Abadi ya iku kalawarti dinan kang terbit ing Jakarta.[1] Sepisanan terbit ing 1951 kanthi pamimpin redhaksi Suardi Tasrif.[1] Kalawarti iki duwé tujuan nyuwarakake pandhangan partai Masyumi marang urip kanagaran ana Indonesia.[1] Mottone ya iku "untuk bangsa, untuk nagara, untuk agama".[1]
Abadi naté éntuk alangan. Abadi ora éntuk terbit sepisanan ing 13-14 September 1957 amarga nyiarke berita kang ora asal saka juru wicara resmi Musyawarah Nasional.[1] Kapindho ing sasi September 1960.[1] Ing tanggal 31 September 1960, Abadi kang kabawah H. Sidi Mohammad Syaaf nutup dhéwé panerbitane amarga ora gelem nandhatangani katenton wujud persyaratan kanggo ngentokake surat ijin terbit (SIT).[1] Abadi terbit manèh ing tanggal 7 Dhésèmber 1968.[1] Ing mangsa panerbitan kapindho iki, Abadi mung tahan 6 (nem) taun amarga surat ijin cetak (SIC) lan surat ijin terbit (SIT) dicabut tanggal 21 lan 23 Januari 1974, gara-gara pawartane ngenani dhémonstrasi mahasiswa nalika kunjungan kanagaran Mahamantri Jepang.[1] Kalawarti iki dilarang terbit tanpa wates wektu.[1]