4bia

4bia
Disutradarani	Youngyooth Thongkonthun Banjong Pisanthanakun Parkpoom Wongpoom Paween Purijitpanya
Diprodhuseri	Jira Maligool
Ditulis déning	Youngyooth Thongkonthun Banjong Pisanthanakun Parkpoom Wongpoom Paween Purikitpanya Eakasit Thairatana
Dibintangi	Laila Boonyasak Maneerat Kham-uan Apinya Sakuljaroensuk
Dibesut déning	Paween Purikitpanya
Dibabar déning	GMM Tai Hub
Suwéné	240 menit
Nagara	Thailand

4bia utawi phobia (basa Thai: สี่แพร่ง utawi See Prang) inggih punika filem horor Thailand ingkang gadhah sekawan segmen ingkang saben-saben segmen dipunserat lan dipunsutradarai déning Youngyooth Thongkonthun, Banjong Pisanthanakun, Parkpoom Wongpoom, lan Paween Purijitpanya.

Plot

1. Karemenan/Piyambakaan (Irah-irahan asli - Ngao/Loneliness; Sutradara: Youngyooth Thongkonthun)

Wewadon ingkang taksih alit gadhah asma Pin. Piyambakipun gesang kanthi piyambakaan. Kacilakan ingkang dadosaken samparanipun dipungips dadosaken piyambakipun lamun ing kamar. Gesangipun namung kanggé ningali internet lan sms kaliyan kancanipun. Ngantos wekdal wonten sms saking no ingkang boten tinepang ingkang badhé nyuwun tetepangan. Pungkasanipun Pin sms kaliyan tiyang punika. Pin dados langkung remen amargi tiyang kakung punika (kanca sms) mangsuli sms Pin, boten kados kanca-kancanipun punika. Tiyang kakung punika lajeng nyuwun dipunkintuni foto Pin uga Pin punika nyuwun foto tiyang kakung punika. Nalika ngintunaken foto, Pin kaget amargi foto ingkang dipunkintun ing piyambakipun inggih punika foto kala wau ingkang dipunkintun Pin kanggé tiyang kakung punika. Nyatanipun tiyang kakung punika wonten ing caketipun Pin. Tiyang kakung punika sampun séda lan sampun 1000 dinten. Lajeng punika Pin ugi derek séda.

2. Mripat Gantos Mripat (Irah-irahan Asli - Yan Sang Tai/Deadly Charm; Sutradara: Paween Purikitpanya)

Wonten geng ing sekolah ingkang gadhah panguwasan. Anggota geng punika kejawi Pink lan Chieko, dipunlaporken déning siswa ingkang namanipun Ngid, amargi gadhah ganja. Ngid lajeng dipunparingi bogem déning anggota geng punika ngantos séda. Saben tiyang ingkang ningali gambaripun Ngid, salajengipun sami séda. Chieko ingkang ningali ugi séda amargi gulunipun nuncep ing wesi. Sedaya anggota grup punika séda amargi sami ningali gambar ing kertas punika.

3. Tiyang Tengah (Irah-irahan asli - Kon Klang/Person or Persons Unknown; Sutradara: Banjong Pisanthanakun)

Wonten sekawan tiyang kakung inggih punika Aey, Puak, Shin lan Ter ingkang sami remen rafting. Saderengipun tilem, sekawanipun punika criyos. Salah satunggalipun Aey criyos manawi piyambakipun séda, piyambakipun badhé nyuwun tiyang ingkang kersa tilem ing tengah, tilem kaliyan piyambakipun. Enjangipun kasekawan tiyang kakung punika rafting, nanging mustakanipun kuwalik. Aey ical boten ngertos. Wengi ingkang katiga tiyang ingkang slamet badhé sare, Ter kemutan kaliyan criyos Aey. Lajeng Aey wangsul ing tenda lan dadosaken tiyang tiga kala wau kaget. Tiyang tiga kala wau lega amargi Aey sampun wangsul, nanging Shin lan Ter gadhah Aey aneh, amargi boten punapa-punapa. Lajeng Ter ngertos manawi Aey sampun séda, sawekdal punika wonten ing ping lan ngertos mayitipun Aey. Ter, Shin , lan Puak kaget, nanging Ter badhé nedahaken mayit Aey marang piyambakipun. Nanging kasunyatanipun kasekawanipun sampun séda sedaya. Katiganipun nembé ngertos manawi sami sedha nalika dipuntedahaken déning Aey.

4. Pamaburan (Irah-irahan asli - Teaw Bin 224/Flight 224; Sutradara: Parkpoom Wongpoon)

Wonten pramugari ingkang wonten ing moto mabur. Piyamabkipun gadhah tugas dados pramugari kanggé putri krajan Vanistan, namanipun Sophia. Putri punika inggih punika garwa saking pangeran Albert. Putri Sophia ngertos manawi pramugari Pim inggih punika selingkuhanipun garwanipun Albert. Putri Shopia ngagem ali-ali ingkang sami kaliyan Pim. Ali- ali punika saking Albert. Lajeng ali-ali ingkang dipunagem déning Pim, dipunpidak déning Putri Sophia. Nalika dhahar, Pim maringi dhaharan kanggé Putri Shopia, nanging piyambakipun boten purun. Putri Shopia malah nyuwun dhaharan ingkang dipungadhahi Pim. Dhaharan Pim ingkang wonten urangipun, ndadosaken Putri Sophia alergi. Nanging Putri Sophia meksa, urang punika dipunsingkiraken déning Pim. Dhaharan punika ugi didhahar, nanging sesampunipun punika Putri Sophia watu-watuk. Pim badhé maringi toya, nanging Putri Sophia tumuju ing toilet. Nembe punika Pim ngertos manawi piyambakipun selingkuh kaliyan garwanipun Putri Sophia, Albert. Putri Sophia nitih pesawat lan piyambakipun badhé nyataaken manawi Pim punika pragawati. Manawi nembé transit ing Papan Anggegana, Putri Sophia dipunwartakaken séda amargi alergi punika, lan badhé dipunwangsulaken ing krajan. Pim gadhah tugas kanggé jagi mayitipun Putri Sophia. Ing motor mabur Pim ngraos mayit punika gerak, piyambakipun lapor marang kapten, nanging boten dipercados. Pungkasanipun Pim séda mirib kaliyan criyos Putri Sophia inggih punika tiyang èstri ingkang selingkuh kados séda kanthi ngrungkuk nyuwun pangapunten kaliyan garwa tiyang ingkang dipunselingkuhaken.

Pranala njaba

• Website Resmi Archived 2008-04-03 at the Wayback Machine.
• 4bia ing Internet Movie Database