ꦥꦼꦫꦁ
꧋ꦥꦼꦫꦁꦥꦸꦤꦶꦏꦱꦠꦸꦁꦒꦶꦭꦶꦁꦏꦮꦺꦴꦤ꧀ꦠꦼꦤꦤ꧀ꦏꦏꦺꦫꦱꦤ꧀ꦲꦶꦁꦏꦁꦔꦺꦴꦩ꧀ꦧꦿꦺꦴꦲꦺꦴꦩ꧀ꦧꦿꦺꦴ꧈ꦏꦺꦴꦤ꧀ꦥ꦳꧀ꦭꦶꦏ꧀ꦱ꧀ꦏꦭꦮꦶꦪꦂꦲꦤ꧀ꦠꦮꦶꦱ꧀ꦏꦭꦶꦃꦏꦼꦭꦺꦴꦩ꧀ꦥꦺꦴꦏ꧀ꦲꦸꦠꦮꦶꦭꦁꦏꦸꦁ꧉ꦥꦼꦫꦁꦱꦒꦺꦣ꧀ꦢꦶꦥꦸꦤ꧀ꦮꦺꦴꦤ꧀ꦠꦺꦤꦏꦺꦤ꧀ꦏꦤ꧀ꦛꦶꦱꦶꦩꦸꦭ꧀ꦠꦤ꧀ꦲꦶꦁꦱꦠꦸꦁꦒꦭ꧀ꦲꦸꦠꦮꦶꦭꦁꦏꦸꦁꦩꦺꦢꦤ꧀ꦭꦒꦲꦸꦠꦮꦶꦛꦺꦪꦠꦼꦂꦱ꧀꧉ꦲꦶꦁꦱꦠꦸꦁꦒꦶꦭꦶꦁꦩꦺꦢꦤ꧀ꦭꦒ꧈ꦱꦒꦺꦣ꧀ꦏꦺꦩꦮꦺꦴꦤ꧀ꦮꦺꦴꦤ꧀ꦠꦺꦤ꧀ꦱꦠꦸꦁꦒꦭ꧀ꦲꦸꦠꦮꦶꦭꦁꦏꦸꦁꦏꦩ꧀ꦥꦚꦼꦩꦶꦭꦶꦠꦺꦂ꧉ꦱꦮꦺꦤꦺꦃꦄꦏ꧀ꦱꦶꦩꦶꦭꦶꦠꦺꦂꦮꦺꦴꦤ꧀ꦠꦺꦤ꧀ꦲꦶꦁꦱꦭꦺꦧꦺꦠꦶꦥꦸꦤ꧀ꦏꦩ꧀ꦥꦚꦼꦩꦶꦭꦶꦠꦺꦂꦭꦶꦩꦿꦲꦶꦥꦸꦤ꧀ꦏꦱꦺꦧꦠ꧀ꦥꦼꦂꦠꦼꦩ꧀ꦥꦸꦫꦤ꧀꧈ꦱꦤꦗꦤ꧀ꦠꦺꦂꦩꦶꦤꦺꦴꦭꦺꦴꦒꦶꦥꦸꦤꦶꦏꦏꦢꦁꦏꦮꦶꦱ꧀ꦧꦺꦴꦠꦺꦤ꧀ꦱꦒꦺꦣ꧀ꦢꦶꦥꦸꦤ꧀ꦠꦼꦫꦥꦏꦺꦤ꧀ꦮꦺꦴꦤ꧀ꦠꦺꦤ꧀ꦲꦶꦁꦥꦼꦂꦠꦼꦩ꧀ꦥꦸꦫꦤ꧀ꦲꦶꦁꦏꦁꦩꦶꦒꦸꦤꦲꦏꦺꦤ꧀ꦩꦺꦴꦤ꧀ꦠꦺꦴꦂꦩꦧꦸꦂ꧈ꦥꦼꦭꦸꦫꦸꦏꦼꦤ꧀ꦢꦭꦶꦲꦸꦠꦮꦶꦧꦺꦴꦩ꧀ꦭꦤ꧀ꦧꦺꦴꦠꦺꦤ꧀ꦩꦶꦒꦸꦤꦲꦏꦺꦤ꧀ꦮꦣꦾꦧꦭꦢꦫꦠ꧀ꦲꦸꦠꦮꦶꦱꦼꦒꦤ꧀ꦠꦺꦤ꧀꧈
꧋ꦥꦼꦂꦏꦮꦶꦱ꧀ꦲꦶꦁꦏꦁꦱꦒꦺꦣ꧀ꦤ꧀ꦝꦢꦺꦴꦱꦏꦺꦤ꧀ꦥꦼꦫꦁꦭꦶꦩꦿꦲꦶꦥꦸꦤ꧀ꦫꦸꦩꦶꦠ꧀ꦭꦤ꧀ꦮꦸꦗꦸꦣ꧀ꦮꦂꦤꦶꦮꦂꦤꦶꦩꦱꦭꦃ꧉ꦲꦸꦥꦩꦶꦕꦼꦕꦺꦴꦁꦏꦿꦲꦤ꧀ꦠꦸꦮꦸꦃꦧꦧ꧀ꦮꦶꦒꦠꦶ꧈ꦏꦣꦺꦴꦱ꧀ꦠ:ꦠ꧀ꦭꦠꦃ꧈ꦏꦢꦻꦴꦭꦠꦤ꧀꧈ꦱꦸꦩ꧀ꦧꦼꦂꦢꦪꦲꦸꦠꦮꦶꦆꦢꦺꦪꦺꦴꦭꦺꦴꦒꦶꦏꦩꦁꦏꦥꦼꦫꦸꦤ꧀ꦢꦶꦔꦤꦶꦥꦸꦤ꧀ꦒꦒꦭ꧀꧈ꦱꦒꦺꦣ꧀ꦤꦸꦮꦸꦲꦏꦺꦤ꧀ꦥꦼꦫꦁ꧉ꦮꦺꦴꦤ꧀ꦠꦺꦤ꧀ꦲꦶꦁꦧꦸꦏꦸꦤꦶꦥꦸꦤ꧀ꦲꦶꦁꦏꦁꦲꦱꦼꦱꦶꦫꦃꦮꦂꦧꦼꦥ꦳ꦺꦴꦫꦺꦕꦶꦮ꦳ꦶꦭꦶꦗ꦳ꦠꦶꦪꦺꦴꦤ꧀꧈ꦭꦮꦿꦺꦚ꧀ꦕꦺꦲ꧀꧈ꦏꦼꦄꦼꦊꦪ꧀ꦱꦠꦸꦁꦒꦶꦭꦶꦁꦥꦿꦺꦴꦥ꦳ꦺꦱꦺꦴꦂꦱꦏꦶꦁꦈꦤꦶꦮ꦳ꦺꦂꦱꦶꦠ꧀ꦪ꧀ꦎꦥ꦳꧀ꦆꦭ꧀ꦭꦶꦤꦺꦴꦮꦶꦱ꧀꧈ꦔꦺꦠꦁꦪꦺꦤ꧀ꦏꦶꦤ꧀ꦠꦺꦤ꧀ꦏꦶꦤ꧀ꦠꦺꦤ꧀꧇꧙꧐꧇-꧇꧙꧕꧇%ꦱꦏꦶꦁꦏꦺꦴꦩꦸꦤꦶꦠꦱ꧀ꦠꦂꦠꦩ꧀ꦠꦸꦤꦠꦺ꧈ꦲꦸꦠꦮꦶꦱꦏꦺꦢꦶꦏꦶꦥꦸꦤ꧀ꦏꦭꦏꦭꦩꦒꦺꦥꦺꦴꦏꦤ꧀ꦏꦭꦶꦪꦤ꧀ꦥꦼꦫꦁ꧈ꦭꦤ꧀ꦏꦛꦃꦲꦶꦁꦏꦁꦠꦼꦫꦸꦱ꧀ꦩꦼꦤꦼꦫꦸꦱ꧀꧈[1][2][3][4]
꧋ꦱꦠꦸꦁꦒꦶꦭꦶꦁꦥꦼꦫꦁꦱꦒꦺꦣ꧀ꦢꦶꦥꦸꦤ꧀ꦮꦶꦮꦶꦠꦶꦏꦤ꧀ꦛꦶꦣꦺꦏ꧀ꦭꦫꦱꦶꦉꦱ꧀ꦩꦶꦩ꧀ꦭꦶꦒꦶꦤꦶꦥꦸꦤ꧀ꦮꦺꦴꦤ꧀ꦠꦺꦤ꧀ꦲꦶꦁꦥꦼꦫꦁꦆꦤ꧀ꦠꦺꦂꦤꦱꦶꦪꦺꦴꦤꦭ꧀꧉ꦲꦼꦮꦺꦴꦱꦺꦩꦤ꧀ꦠꦺꦤ꧀ꦩꦶꦠꦸꦫꦸꦠ꧀ꦱꦗꦫꦃꦭꦤ꧀ꦏꦢꦝꦺꦴꦱꦤ꧀ꦚꦠ꧈ꦧꦺꦴꦠꦺꦤ꧀ꦱꦧꦼꦤ꧀ꦥꦼꦫꦁꦠꦤ꧀ꦱꦃꦢꦶꦥꦸꦤ꧀ꦮꦶꦮꦶꦠꦶꦢꦺꦤꦶꦁꦢꦺꦏ꧀ꦭꦫꦱꦶꦩꦏꦠꦺꦤ꧀꧈ꦏꦭꦺꦧꦺꦠ꧀ꦮꦺꦴꦤ꧀ꦠꦺꦤ꧀ꦲꦶꦁꦥꦼꦫꦁꦱꦢꦺꦫꦺꦏ꧀꧉
ꦕꦫꦤꦶꦥꦸꦤ꧀ꦥꦼꦫꦁ
[besut | besut sumber]꧋ꦕꦫꦲꦶꦁꦏꦁꦧꦏꦸꦏꦁꦒꦺꦔꦪꦃꦲꦶꦥꦼꦫꦁꦱꦔꦼꦠ꧀ꦒꦸꦩꦤ꧀ꦠꦸꦁꦝꦸꦩꦠꦼꦁꦮꦶꦪꦂꦫꦶꦥꦸꦤ꧀ꦱꦱꦫꦤ꧀꧈ꦏꦊꦧꦺꦠ꧀ꦧꦧ꧀ꦧꦧ꧀ꦏꦢꦺꦴꦱ꧀ꦢꦺꦤꦺꦔꦽꦧꦠ꧀ꦠ꧀ꦭꦠꦃ꧈ꦔ꧀ꦭꦸꦩ꧀ꦥꦸꦃꦲꦏꦼꦤ꧀ꦤꦒꦫꦶꦱꦲꦶꦁꦔꦤ꧀꧈ꦔꦿꦶꦱꦏꦏꦺꦤ꧀ꦏꦩꦩ꧀ꦥꦸꦮꦤ꧀ꦩꦼꦁꦱꦃꦱꦸꦥꦢꦺꦴꦱ꧀ꦧꦺꦴꦠꦼꦤ꧀ꦱꦒꦼꦢ꧀ꦔꦮꦺꦴꦤ꧀ꦠꦺꦤ꧀ꦤꦤ꧀ꦏꦼꦤ꧀ꦲꦏ꧀ꦱꦶꦩꦶꦭꦶꦠꦺꦂ꧈ꦔꦸꦮꦲꦺꦴꦱ꧀ꦱꦶꦗꦭ꧀ꦩꦶꦱꦤꦺꦱ꧀ꦲꦸꦠꦮꦶꦔꦏꦺꦤꦶꦏꦁꦤ꧀ꦢꦸꦤꦸꦁꦔꦶꦥꦿꦶꦧꦸꦩꦶꦢꦢꦺꦴꦱ꧀ꦤꦒꦫꦶꦲꦶꦁꦏꦁꦩꦶꦱꦃ꧈ꦔꦤ꧀ꦠꦺꦴꦱ꧀ꦢꦸꦩꦸꦒꦶꦥꦺꦩ꧀ꦧꦤ꧀ꦠꦲꦶꦪꦤ꧀ꦲꦺꦠ꧀ꦤꦶꦱ꧀(ꦒꦺꦤꦺꦴꦕꦶꦢꦺ)꧉ꦭꦶꦩꦿꦃꦲꦶꦥꦸꦤ꧀ꦱꦧꦺꦤ꧀ꦲꦏ꧀ꦱꦶꦩꦶꦭꦶꦠꦺꦂꦢꦺꦤꦶꦁꦱꦠꦸꦁꦒꦶꦭꦶꦁꦤꦒꦫꦶꦭꦗꦺꦁꦢꦶꦥꦸꦤ꧀ꦭꦮꦤ꧀ꦢꦺꦤꦶꦁꦱꦠꦸꦁꦒꦭ꧀ꦲꦸꦠꦮꦶꦭꦁꦏꦸꦁꦤꦒꦫꦶꦱꦤꦺꦱ꧀ꦱꦶꦥꦸꦤ꧀꧉ꦥꦿꦩꦶꦭ꧈ꦱꦱꦫꦤ꧀ꦲꦶꦁꦏꦁꦥꦺꦴꦏꦺꦴꦏ꧀ꦱꦏꦶꦁꦱꦮꦺꦤꦺꦃꦤꦒꦫꦶꦢꦢꦺꦴꦱ꧀ꦤꦺꦴꦩꦺꦂꦏꦭꦶꦃꦠꦶꦤꦶꦩ꧀ꦧꦁꦱꦱꦫꦤ꧀ꦲꦶꦁꦏꦁꦭꦁꦏꦸꦁꦚꦺꦫꦺꦒ꧀ꦲꦶꦁꦒꦶꦃꦥꦸꦤꦶꦏꦔꦶꦕꦭꦏꦺꦤ꧀ꦏꦏꦸꦮꦠ꧀ꦠꦤ꧀ꦩꦼꦁꦱꦃ꧉ꦧꦧ꧀ꦥꦸꦤꦶꦏꦱꦒꦼꦢ꧀ꦢꦶꦥꦸꦤ꧀ꦲꦪꦃꦲꦶꦏꦤ꧀ꦛꦶꦕꦫꦔꦼꦥꦸꦁ꧈ꦔꦚ꧀ꦕꦸꦫꦏꦺꦤ꧀ꦮꦺꦴꦤ꧀ꦠꦺꦤ꧀ꦲꦶꦁꦥꦭꦒꦤ꧀꧈ꦤ꧀ꦢꦩꦼꦭ꧀ꦩꦺꦁꦱꦃꦱꦸꦥꦢꦺꦴꦱ꧀ꦩ꧀ꦭꦗꦼꦁꦲꦸꦠꦮꦶꦠꦏ꧀ꦭꦸꦏ꧀꧈ꦲꦸꦠꦮꦶꦔꦚ꧀ꦕꦸꦂꦫꦏꦺꦤ꧀ꦩꦺꦁꦱꦃꦏꦤ꧀ꦛꦶꦕꦫꦲꦶꦁꦏꦁꦧꦺꦴꦠꦺꦤ꧀ꦭꦁꦱꦸꦁꦱꦼꦥꦼꦂꦠꦺꦴꦱ꧀ꦚꦺꦧꦫꦏꦺꦤ꧀ꦊꦭꦫꦲꦸꦠꦮꦶꦏꦼꦭꦸꦮꦺꦤ꧀꧉
ꦫꦸꦗꦸꦏ꧀ꦏꦤ꧀
[besut | besut sumber]- ↑ "War Before Civilization - Lawrence H. Keeley". Diarsip saka sing asli ing 2008-05-14. Dibukak ing 2024-06-22.
- ↑ "Review: War Before Civilization". Diarsip saka sing asli ing 2010-11-21. Dibukak ing 2007-10-16.
- ↑ War before Civilization: The Myth of the Peaceful Savage
- ↑ "Gene Expression: Primitive Warfare". Diarsip saka sing asli ing 2007-10-11. Dibukak ing 2007-10-16.
 |
Wikimedia Commons duwé médhia ngenani Warfare. |
| Artikel iki minangka artikel rintisan. Kowé bisa ngéwangi Wikipédia ngembangaké. |