ꦠꦿꦝꦶꦱꦶꦥꦼꦛꦶꦏ꧀ꦠꦶꦂꦠ
꧋ꦥꦼꦛꦶꦏ꧀ꦠꦶꦂꦠꦪꦲꦶꦏꦸꦱꦭꦃꦱꦮ꧀ꦗꦶꦤꦶꦁꦠꦿꦝꦶꦱꦶꦩꦼꦂꦠꦶꦢꦺꦱꦏꦁꦲꦤꦲꦶꦁꦢꦺꦱꦗꦼꦤꦂꦭꦺꦴꦂ꧈ꦏꦕꦩꦠꦤ꧀ꦥꦸꦂꦮꦺꦴꦢꦝꦶ꧈ꦏꦧꦸꦥꦠꦺꦤ꧀ꦥꦸꦂꦮꦉꦗ꧉ꦥꦼꦛꦶꦏ꧀ꦠꦶꦂꦠꦲꦶꦏꦸꦲꦱꦭꦺꦱꦏꦠꦼꦩ꧀ꦧꦸꦁꦥꦼꦛꦶꦏ꧀ꦏꦁꦠꦼꦒꦼꦱꦺꦚ꧀ꦗꦸꦥꦸꦏ꧀ꦭꦤ꧀ꦠꦶꦂꦠꦏꦁꦠꦼꦒꦼꦱꦺꦧꦚꦸ꧉ꦩꦶꦠꦸꦫꦸꦠ꧀ꦲꦺꦠꦶꦩꦺꦴꦭꦺꦴꦒꦶꦱ꧀꧈ꦥꦼꦛꦶꦏ꧀ꦠꦶꦂꦠꦪꦲꦶꦏꦸꦲꦸꦥꦕꦫꦚ꧀ꦗꦸꦥꦸꦏ꧀ꦧꦚꦸ(ꦏꦁꦢꦶꦠꦶꦤ꧀ꦝꦏꦏꦺꦲꦶꦁꦱꦸꦩꦸꦂꦠꦭꦁ꧈ꦪꦲꦶꦏꦸꦱꦸꦩꦸꦂꦧꦼꦗꦶ/ꦠꦸꦮꦏꦁꦲꦤꦲꦶꦁꦢꦸꦱꦸꦤ꧀ꦠꦭꦁꦧꦒꦸꦱ꧀꧈ꦢꦺꦱꦗꦼꦤꦂꦭꦺꦴꦂ꧈ꦏꦕꦩꦠꦤ꧀ꦥꦸꦂꦮꦺꦴꦢꦝꦶ)ꦏꦁꦢꦶꦥꦼꦂꦕꦪꦔ꧀ꦒꦮꦧꦼꦂꦏꦃ꧉
꧋ꦩꦸꦭꦧꦸꦏꦤꦺꦲꦸꦥꦕꦫꦲꦶꦏꦶꦲꦤꦒꦤ꧀ꦝꦺꦁꦕꦺꦤꦺꦔꦺꦏꦫꦺꦴꦲꦤꦤꦺꦧꦸꦭꦏ꧀(ꦥꦥꦤ꧀ꦏꦁꦗꦼꦩ꧀ꦧꦂꦏꦁꦒꦺꦴꦠꦺꦠꦤꦺꦤ꧀)ꦏꦁꦔꦿꦸꦒ꧀ꦏꦺꦧꦶꦢꦺꦱꦗꦼꦤꦂꦭꦺꦴꦂ꧈ꦗꦼꦤꦂꦏꦶꦢꦸꦭ꧀꧈ꦮꦭꦶꦏꦺꦴꦫꦺꦴ꧈ꦱꦿꦸꦮꦺꦴꦃ꧈ꦱꦶꦁꦏꦶꦭ꧀꧈ꦮꦶꦁꦏꦺꦴ꧈ꦥꦸꦤ꧀ꦝꦺꦤ꧀ꦱꦫꦶ꧈ꦗꦼꦤꦂꦮꦺꦠꦤ꧀꧉ꦱꦲꦶꦏꦶꦧꦸꦭꦏ꧀ꦆꦏꦸꦏꦮꦺꦤ꧀ꦠꦂꦏꦤ꧀ꦛꦶꦗꦼꦤꦼꦁꦧꦸꦭꦏ꧀ꦏꦼꦛꦶꦥ꧀꧈
꧋ꦲꦸꦥꦕꦫꦥꦼꦛꦶꦏ꧀ꦠꦶꦂꦠꦲꦶꦁꦢꦺꦱꦗꦼꦤꦂꦭꦺꦴꦂꦮꦶꦱ꧀ꦏꦭꦏ꧀ꦱꦤꦤ꧀ꦮꦶꦮꦶꦠ꧀ꦗꦩꦤ꧀ꦲꦶꦤ꧀ꦝꦸꦧꦸꦢꦭꦤ꧀ꦱꦢꦸꦫꦸꦁꦔꦺꦆꦱ꧀ꦭꦩ꧀ꦭꦸꦩꦺꦧꦸꦲꦶꦁꦠ꧀ꦭꦠꦃꦗꦼꦤꦂ꧉ꦱꦮꦶꦱꦺꦆꦱ꧀ꦭꦩ꧀ꦠꦼꦏ꧈ꦠꦿꦝꦶꦱꦶꦲꦶꦏꦶꦠꦼꦠꦼꦥ꧀ꦲꦤꦭꦤ꧀ꦢꦝꦶꦠꦿꦝꦶꦱꦶꦫꦸꦠꦶꦤ꧀ꦠꦲꦸꦤꦤ꧀ꦏꦤ꧀ꦛꦶꦠꦸꦗꦸꦮꦤ꧀ꦲꦸꦠꦩꦪꦲꦶꦏꦸ:
- ꦏꦺꦴꦚ꧀ꦗꦸꦏ꧀ꦱꦾꦸꦏꦸꦂꦩꦫꦁꦄꦭ꧀ꦭꦃꦏꦁꦩꦲꦠꦸꦁꦒꦭ꧀ꦲꦮꦶꦠ꧀ꦱꦏꦉꦗꦼꦏꦶꦏꦁꦩꦺꦴꦫꦃꦩꦫꦺꦃꦱꦏꦥꦤꦺꦤ꧀꧈
- ꦥꦼꦛꦶꦏ꧀ꦠꦶꦂꦠꦩꦶꦤꦁꦏꦮꦸꦗꦸꦣ꧀ꦩꦠꦸꦂꦤꦸꦮꦸꦤ꧀ꦩꦫꦁꦊꦭꦸꦲꦸꦂꦪꦲꦶꦏꦸꦧꦼꦛꦫꦭꦺꦴꦮꦤꦺꦴꦏꦁꦔ꧀ꦒꦮꦺꦱꦸꦩꦸꦂꦭꦤ꧀ꦩ꧀ꦧꦸꦏꦏ꧀ꦭꦲꦤ꧀ꦱꦮꦃ꧉
- ꦥꦼꦛꦶꦏ꧀ꦠꦶꦂꦠꦩꦶꦤꦁꦏꦮꦸꦗꦸꦣ꧀ꦥꦤꦸꦮꦸꦤ꧀ꦱꦸꦥꦪꦮꦂꦒꦣꦺꦱꦥꦶꦤꦫꦶꦔꦤ꧀ꦱ꧀ꦭꦩꦺꦠ꧀ꦭꦻꦂꦭꦤ꧀ꦧꦠꦶꦤ꧀꧈ꦢꦮꦲꦸꦩꦸꦂ꧈ꦭꦤ꧀ꦩꦸꦫꦃꦉꦗ꦳ꦼꦏꦶ꧉