ꦗꦼꦤꦁ
![](http://upload.wikimedia.org/wikipedia/commons/thumb/1/13/Dodol_jenang.jpg/250px-Dodol_jenang.jpg)
꧋ꦗꦼꦤꦁꦆꦁꦒꦶꦃꦥꦸꦤꦶꦏꦠꦼꦠꦼꦣꦤ꧀ꦆꦁꦏꦁꦢꦶꦥꦸꦤ꧀ꦝꦩꦺꦭ꧀ꦱꦏꦶꦁꦒ꧀ꦊꦥꦸꦁ꧈ꦈꦥꦩꦶꦤꦶꦥꦸꦤ꧀ꦒ꧀ꦭꦼꦥꦸꦁꦮꦺꦴꦱ꧀꧈ꦒ꧀ꦭꦼꦥꦸꦁꦒꦤ꧀ꦝꦸꦩ꧀꧈ꦭꦤ꧀ꦱꦤꦺꦱꦶꦥꦸꦤ꧀꧈ꦗꦼꦤꦁꦄꦱꦶꦥꦠ꧀ꦗꦼꦩꦼꦏ꧀ꦱꦌꦁꦒꦄꦁꦒꦺꦤꦶꦥꦸꦤ꧀ꦝꦲꦂꦏꦼꦣꦃꦔꦁꦒꦺꦱꦸꦫꦸꦈꦠꦮꦶꦱꦺꦤ꧀ꦝꦺꦴꦏ꧀꧈ꦗꦼꦤꦁꦱꦒꦺꦣ꧀ꦝꦶꦥꦸꦤ꧀ꦝꦲꦂꦏꦭꦶꦪꦤ꧀ꦱꦤ꧀ꦠꦺꦤ꧀ꦈꦠꦮꦶꦣꦸꦣꦸꦃꦒꦸꦭꦗꦮ꧉ꦗꦼꦤꦁꦣꦶꦥꦸꦤ꧀ꦱꦗꦺꦏꦏꦺꦤ꧀ꦮꦼꦏ꧀ꦝꦭ꧀ꦮꦺꦴꦤ꧀ꦠꦺꦤ꧀ꦄꦢꦶꦕꦫꦄꦢꦠ꧀ꦠꦶꦪꦁꦒꦢꦃꦢꦩꦺꦭ꧀ꦈꦠꦮꦶꦤꦩꦸꦁꦣꦶꦥꦸꦤ꧀ꦝꦲꦂꦏꦣꦺꦴꦱ꧀ꦗꦗꦤꦤ꧀꧈
![](http://upload.wikimedia.org/wikipedia/commons/thumb/3/38/Communal_Feeding.jpg/220px-Communal_Feeding.jpg)
ꦩꦤꦺꦏꦮꦂꦤꦗꦼꦤꦁ[besut | besut sumber]
꧋ꦆꦁꦗꦮꦶꦮꦺꦴꦤ꧀ꦠꦺꦤ꧀ꦩꦤꦺꦏꦮꦂꦤꦗꦼꦤꦁ꧈ꦄꦤ꧀ꦠꦮꦶꦱꦶꦥꦸꦤ꧀꧇
ꦗꦼꦤꦁꦄꦧꦁ[besut | besut sumber]
꧋ꦗꦼꦤꦁꦄꦧꦁꦣꦶꦒꦮꦺꦱꦏꦱꦒꦸꦩꦸꦠꦶꦪꦫ꧉ꦒ꧀ꦭꦼꦥꦸꦁꦱꦒꦸꦮꦶꦱ꧀ꦝꦶꦧꦼꦤ꧀ꦠꦸꦏ꧀ꦧꦸꦤ꧀ꦝꦺꦂꦏꦪꦣꦺꦤꦺꦩꦸꦠꦶꦪꦫꦭꦤ꧀ꦝꦶꦮꦺꦤꦺꦲꦶꦮꦂꦤꦄꦧꦁ꧉ꦱꦒꦸꦏꦸꦮꦶꦣꦶꦒꦺꦴꦣꦺꦴꦒ꧀ꦏꦫꦺꦴꦧꦚꦸꦭꦤ꧀ꦒꦺꦴꦣꦺꦴꦁꦥꦤ꧀ꦝꦤ꧀꧈ꦗꦼꦤꦁꦆꦏꦶꦣꦶꦥꦔꦤ꧀ꦏꦫꦺꦴꦱꦤ꧀ꦠꦺꦤ꧀ꦏꦁꦮꦂꦤꦥꦸꦠꦶꦃ꧉
ꦗꦼꦤꦁꦕꦤ꧀ꦝꦶꦭ꧀[besut | besut sumber]
꧋ꦗꦼꦤꦁꦕꦤ꧀ꦝꦶꦭ꧀ꦝꦶꦒꦮꦺꦱꦏꦕꦤ꧀ꦝꦶꦭ꧀ꦈꦠꦮꦒ꧀ꦭꦼꦥꦸꦁꦥꦛꦶꦈꦠꦮꦒ꧀ꦭꦼꦥꦸꦁꦥꦺꦴꦲꦸꦁ꧉ꦮꦚ꧀ꦕꦶꦩꦱꦏ꧀ꦝꦶꦮꦺꦤꦺꦲꦶꦒꦸꦭꦗꦮ꧉
ꦗꦼꦤꦁꦩꦚ꧀ꦕꦮꦂꦤ[besut | besut sumber]
꧋ꦗꦼꦤꦁꦥꦸꦤꦶꦏꦏꦣꦩꦺꦭ꧀ꦱꦏꦶꦁ꧇꧗꧇(ꦥꦶꦠꦸꦁ)ꦮꦂꦤꦶꦗꦼꦤꦁ꧈ꦆꦁꦒꦶꦃꦥꦸꦤꦶꦏꦥꦺꦛꦏ꧀(ꦭꦩ꧀ꦧꦁꦏꦱꦸꦕꦺꦤ꧀)꧈ꦄꦧꦿꦶꦠ꧀(ꦮꦤ꧀ꦠꦸꦤ꧀)꧈ꦏꦸꦤꦶꦁ(ꦏꦺꦪꦒꦺꦔꦤ꧀)꧈ꦆꦗꦺꦩ꧀(ꦥꦺꦔꦫꦺꦥꦤ꧀)꧈ꦭꦤ꧀ꦱ꧀ꦭꦺꦮꦃꦆꦁꦏꦁꦮꦸꦗꦸꦣ꧀ꦥꦭꦁ(ꦥꦼꦥꦭꦁ)ꦭꦤ꧀ꦕꦺꦩꦺꦁ(ꦠꦸꦗꦸꦮꦤ꧀)꧉ꦗꦼꦤꦁꦥꦸꦤꦶꦏꦣꦝꦺꦴꦱ꧀ꦱꦭꦃꦱꦠꦸꦁꦒꦭꦶꦥꦸꦤ꧀ꦱꦺꦱꦗꦺꦤ꧀ꦆꦁꦧꦸꦣꦪꦗꦮꦶ꧉
ꦗꦼꦤꦁꦆꦫꦺꦁ[besut | besut sumber]
꧋ꦗꦼꦤꦁꦆꦫꦺꦁꦣꦶꦒꦮꦺꦱꦏꦏꦼꦠꦤ꧀ꦆꦫꦺꦁ꧉ꦩꦸꦭꦮꦂꦤꦤꦺꦥꦚ꧀ꦕꦺꦤ꧀ꦆꦫꦺꦁ꧉
ꦗꦼꦤꦁꦏꦠꦸꦭ꧀/ꦗꦼꦤꦁꦒꦿꦺꦤ꧀ꦝꦸꦭ꧀[besut | besut sumber]
꧋ꦗꦼꦤꦁꦏꦁꦣꦶꦒꦮꦺꦱꦏꦠꦼꦥꦸꦁꦏꦚ꧀ꦗꦶ꧈ꦧꦚ꧀ꦗꦸꦂꦣꦶꦧꦼꦤ꧀ꦠꦸꦏ꧀ꦱꦶꦗꦶꦱꦶꦗꦶꦭꦤ꧀ꦝꦶꦮꦺꦤꦺꦲꦶꦣꦸꦣꦸꦃꦱꦏꦱꦤ꧀ꦠꦺꦤ꧀꧈ꦩꦸꦭꦗꦼꦤꦼꦔꦼꦗꦼꦤꦁꦏꦠꦸꦭ꧀꧈