ꦒꦸꦫꦃ
꧋ꦒꦸꦫꦃꦪꦲꦶꦏꦸꦧꦼꦤ꧀ꦠꦸꦏ꧀ꦠꦺꦫꦥꦶꦏꦺꦱꦺꦲꦠꦤ꧀ꦏꦁꦠꦿꦝꦶꦱꦶꦪꦺꦴꦤꦭ꧀ꦲꦱ꧀ꦭꦶꦗꦮ꧉ꦲꦶꦁꦔꦪꦺꦴꦒꦾꦏꦂꦠ꧈ꦒꦸꦫꦃꦪꦲꦶꦏꦸꦠꦺꦫꦥꦶꦏꦁꦏꦺꦴꦤ꧀ꦝꦁ꧉ꦥꦸꦱꦠꦺꦲꦤꦲꦶꦁꦢꦌꦫꦃꦒꦶꦫꦶꦭꦪ꧈ꦆꦩꦒꦶꦫꦶ꧈ꦧꦤ꧀ꦠꦸꦭ꧀꧉ꦲꦶꦁꦱꦢꦮꦤꦺꦢꦭꦤ꧀ꦱꦺꦏꦏꦸꦛꦪꦺꦴꦒꦾꦏꦂꦠꦔꦶꦢꦸꦭ꧀ꦠꦸꦩꦸꦗꦸꦩꦫꦁꦆꦩꦒꦶꦫꦶ꧈ꦱꦧꦼꦤ꧀ꦭꦶꦩꦁꦏꦶꦭꦺꦴꦩꦺꦠꦼꦂꦲꦶꦁꦥꦶꦁꦒꦶꦂꦥꦶꦁꦒꦶꦂꦢꦭꦤ꧀ꦩꦼꦱ꧀ꦛꦶꦲꦤꦥꦶꦗꦼꦠ꧀ꦒꦸꦫꦃ꧉ꦲꦤꦲꦶꦁꦠꦿꦝꦶꦱꦶꦮꦂꦒꦆꦩꦒꦶꦫꦶ꧈ꦒꦸꦫꦃꦪꦏꦸꦮꦶꦥꦼꦔꦺꦴꦧꦠꦤ꧀ꦠꦿꦝꦶꦱꦶꦪꦺꦴꦤꦭ꧀ꦏꦁꦢꦶꦭꦏꦺꦴꦤꦶꦏꦤ꧀ꦛꦶꦕꦫꦌꦏ꧀ꦱ꧀ꦠꦿꦏ꧀ꦒꦺꦴꦝꦺꦴꦁꦱꦿꦶꦒꦸꦁꦒꦸ(ꦕ꧀ꦭꦼꦫꦺꦴꦢꦺꦤ꧀ꦝꦿꦺꦴꦤ꧀ꦱꦺꦂꦫꦠꦸꦩ꧀)ꦲꦶꦁꦭꦩ꧀ꦧꦺꦲꦸꦠꦮꦧꦺꦴꦭꦺꦴꦁꦔꦤ꧀ꦲꦶꦫꦸꦁ꧉
꧋ꦥꦶꦗꦼꦠ꧀ꦒꦸꦫꦃꦢꦶꦭꦏꦺꦴꦏꦏꦺꦢꦺꦤꦶꦁꦥꦫꦱꦶꦤ꧀ꦢꦺꦤ꧀ꦢꦶꦁꦒꦺꦴꦚ꧀ꦗꦒꦏ꧀ꦮꦭꦶꦠꦱ꧀ꦱ꧀ꦮꦫꦲꦸꦥꦪꦠꦼꦠꦼꦥ꧀ꦩꦼꦂꦢꦸ꧉ꦥꦶꦗꦼꦠ꧀ꦒꦸꦫꦃꦱꦏ꧀ꦗꦤꦺꦏꦸꦮꦶꦠꦿꦝꦶꦱꦶꦥ꦳ꦺꦴꦭ꧀ꦏ꧀ꦭꦺꦴꦂꦭꦶꦱꦤ꧀꧈ꦠꦿꦝꦶꦱꦶꦲꦶꦏꦶꦲꦔꦺꦭ꧀ꦢꦶꦱꦶꦤꦲꦺꦴꦤꦶꦲꦶꦁꦱꦼꦏꦺꦴꦭꦃ꧉ꦩꦸꦁꦮꦺꦴꦁꦏꦁꦥꦺꦔꦶꦤ꧀ꦭꦤ꧀ꦤꦶꦪꦠ꧀ꦏꦁꦠꦼꦤꦤꦤ꧀ꦏꦁꦧꦶꦱꦢꦝꦶꦄꦃꦭꦶꦒꦸꦫꦃ꧉ꦲꦩꦂꦒꦲꦶꦁꦒꦸꦫꦃꦲꦤꦲꦱ꧀ꦥꦺꦏ꧀ꦲꦱ꧀ꦥꦺꦏ꧀ꦠꦂꦠꦩ꧀ꦠꦸ꧈ꦤꦼꦏ꧀ꦲꦺꦴꦫꦠꦲꦤ꧀ꦠꦲꦤ꧀꧈ꦧꦏꦭ꧀ꦭꦫꦢꦺꦮꦺꦏꦺꦏꦢꦁꦏꦭꦲꦸꦒꦲꦤꦮꦺꦴꦁꦮꦺꦴꦁꦏꦁꦔꦿꦱꦗꦶꦗꦶꦏ꧀ꦩꦫꦁꦒꦸꦫꦃꦲꦶꦏꦶ꧉ꦲꦤꦔꦶꦁꦏꦁꦒꦺꦴꦱꦼꦧꦒꦶꦪꦤ꧀ꦮꦺꦴꦁꦲꦶꦁꦪꦺꦴꦒꦾꦏꦂꦠ꧈ꦒꦸꦫꦃꦏꦸꦮꦶꦢꦝꦶꦏꦼꦧꦸꦠꦸꦲꦤ꧀ꦥꦿꦺꦮ꦳ꦺꦤ꧀ꦠꦶꦥ꦳꧀ꦏꦁꦒꦺꦴꦏꦼꦱꦺꦲꦠꦤ꧀꧈
꧋ꦥꦶꦗꦼꦠ꧀ꦢꦶꦭꦏꦺꦴꦏꦏꦺꦲꦶꦁꦲꦮꦏ꧀ꦏꦧꦺꦃ꧈ꦲꦺꦴꦫꦔꦁꦒꦺꦴꦫꦩꦸꦮꦤ꧀ꦲꦥꦲꦥ꧉ꦥꦶꦗꦼꦠ꧀ꦏꦸꦮꦶꦠꦸꦗꦸꦮꦤꦺꦏꦁꦒꦺꦴꦱꦸꦥꦪꦕꦻꦂꦫꦤ꧀ꦏꦁꦲꦶꦁꦚ꧀ꦗꦼꦫꦺꦴꦲꦮꦏ꧀ꦒꦩ꧀ꦥꦁꦩꦼꦠꦸ꧉ꦪꦺꦤ꧀ꦮꦶꦱ꧀ꦲꦶꦱꦩꦼꦠꦸꦕꦻꦂꦫꦤ꧀ꦏꦸꦮꦶꦭꦺꦮꦠ꧀ꦲꦶꦫꦸꦁ꧈ꦭꦩ꧀ꦧꦺꦭꦤ꧀ꦩꦠ꧈ꦥꦱꦶꦪꦺꦤ꧀ꦧꦏꦭꦺꦔꦿꦱꦊꦒ꧉ꦥꦱꦶꦪꦺꦤ꧀ꦲꦸꦒꦏꦸꦢꦸꦥꦱ꧈ꦲꦺꦴꦫꦔꦺꦴꦩꦺꦴꦁꦱꦲꦲꦺꦴꦫꦩꦔꦤ꧀ꦲꦥꦮꦲꦺ꧉ꦲꦩꦂꦒꦥꦱꦶꦪꦺꦤ꧀ꦧꦏꦭ꧀ꦭꦺꦔꦿꦱꦊꦩꦼꦱ꧀꧈ꦲꦮꦏ꧀ꦏꦸꦮꦶꦏꦪꦏꦪꦏꦺꦭꦁꦔꦤ꧀ꦏꦏꦸꦮꦠꦤ꧀ꦤꦺ꧉
ꦩꦸꦥꦔꦠ꧀
[besut | besut sumber]꧋ꦒꦸꦫꦃꦤ꧀ꦢꦸꦮꦺꦤꦶꦩꦸꦥꦔꦠ꧀ꦏꦁꦒꦺꦴꦥꦱꦶꦪꦺꦤ꧀ꦲꦶꦁꦧꦧꦒꦤ꧀ꦥꦼꦚꦼꦒꦫꦤ꧀꧈ꦏꦼꦏꦼꦱꦼꦊꦤ꧀꧈ꦏꦼꦠꦼꦤꦔꦤ꧀꧈ꦫꦶꦭꦺꦏ꧀ꦱꦱꦶ꧈ꦲꦩ꧀ꦧꦺꦒꦤ꧀꧈ꦥꦺꦤꦏ꧀ꦠꦸꦫꦸ꧈ꦭꦺꦴꦪꦺꦴ꧈ꦭꦤ꧀ꦱꦥꦶꦠꦸꦫꦸꦠꦺ꧉ꦒꦸꦫꦃꦲꦸꦒꦤ꧀ꦢꦪꦤꦶꦫꦺꦴꦁꦒꦱ꧀ꦮꦫꦠꦩ꧀ꦧꦃꦩ꧀ꦧꦸꦏꦏ꧀ꦲꦩ꧀ꦧ꧉ꦢꦝꦶ꧈ꦥꦫꦥꦼꦚꦚꦶ꧈ꦢꦭꦁ꧈ꦥꦼꦱꦶꦤ꧀ꦝꦺꦤ꧀ꦭꦤ꧀ꦮꦺꦴꦁꦏꦁꦔꦼꦠꦺꦴꦏꦏꦺꦗꦱꦱ꧀ꦮꦫꦭꦸꦮꦶꦃꦲꦥꦶꦏ꧀ꦪꦺꦤ꧀ꦔ꧀ꦭꦏꦺꦴꦤꦶꦒꦸꦫꦃꦫꦸꦠꦶꦤ꧀꧈ꦒꦸꦫꦃꦲꦸꦒꦲꦸꦮꦶꦱ꧀ꦚꦼꦧꦂꦲꦶꦁꦱꦮꦠꦫꦢꦌꦫꦃꦲꦶꦁꦏꦧꦸꦥꦠꦺꦤ꧀ꦏꦧꦸꦥꦠꦺꦤ꧀ꦲꦶꦁꦔꦪꦺꦴꦒꦾꦏꦂꦠ꧈ꦏꦪꦠꦏꦺꦴꦢꦾ(ꦏꦺꦴꦠꦩꦢꦾ)ꦭꦤ꧀ꦱ꧀ꦭꦺꦩꦤ꧀ꦏꦁꦥꦭꦶꦁꦲꦏꦺꦃꦔ꧀ꦭꦏꦺꦴꦤꦶꦥꦶꦗꦼꦠ꧀ꦒꦸꦫꦃ꧉ꦲꦶꦁꦏꦺꦴꦢꦾꦠꦸꦏꦁꦥꦶꦗꦼꦠ꧀ꦒꦸꦫꦃꦠꦤ꧀ꦱꦃꦤꦸꦭꦶꦱꦏꦺꦏꦼꦠꦸꦫꦸꦤꦤ꧀ꦒꦶꦫꦶꦭꦪꦆꦩꦒꦶꦫꦶ꧉ꦲꦶꦏꦶꦏꦁꦒꦺꦴꦕꦫꦥꦼꦩꦱꦫꦤ꧀ꦠꦿꦝꦶꦱꦶꦒꦸꦫꦃ꧉
꧋ꦒꦸꦫꦃꦩꦸꦁꦢꦶꦱꦶꦤꦲꦺꦴꦤꦶꦠꦸꦫꦸꦤ꧀ꦠꦼꦩꦸꦫꦸꦤ꧀ꦲꦩꦂꦒꦔꦤ꧀ꦢꦸꦁꦲꦺꦭ꧀ꦩꦸꦏꦁꦏ꦳ꦱ꧀꧈ꦲꦺꦴꦫꦏꦧꦺꦃꦮꦺꦴꦁꦠꦼꦒꦼꦭ꧀ꦏꦁꦒꦺꦴꦔ꧀ꦭꦏꦺꦴꦤꦶ꧉ꦩꦼꦂꦒꦏꦸꦮꦶꦠꦸꦏꦁꦒꦸꦫꦃꦲꦶꦱꦔꦗꦫꦶꦠꦠꦕꦫꦒꦸꦫꦃꦏꦁꦒꦺꦴꦲꦤꦏꦺꦏꦁꦤ꧀ꦢꦸꦮꦺꦤꦶꦧꦏꦠ꧀ꦲꦩꦂꦒꦪꦺꦤ꧀ꦲꦺꦴꦫꦤ꧀ꦢꦸꦮꦺꦧꦏꦠ꧀ꦧꦶꦪꦱꦤꦺꦮꦺꦴꦁꦏꦸꦮꦶꦧꦏꦭ꧀ꦗꦶꦗꦶ꧉[1]
ꦫꦸꦗꦸꦏꦤ꧀
[besut | besut sumber]- ↑ Endraswara, Suwardi (2010). FOLKLOR JAWA Macam, Bentuk dan Nilainya. Jakarta: Penaku. kc. 184. ISBN 978-979-18532-6-2.